Actualitats
Marselha: an descobèrt la causa de la mòrt de Caravaggio
De scientifics de l’institut IHU Mediterranèa Infeccion de Marselha an fach un analisi de la pulpa dentària del còrs del pintre barròc
De mètges marselheses an descobèrt la causa de la mòrt de Caravaggio quatre sègles après son decès. Lo pintre lombard moriguèt en 1610 a causa d’una infeccion provocada per una plaga après una bagarra. Lo tuèt un estafilocòc daurat, çò venon de demostrar de scientifics de l’institut IHU Mediterranèa Infeccion de Marselha. Los cercaires an fach un analisi de la pulpa dentària del còrs del pintre barròc amb la collaboracion de scientifics italians. La descobèrta completa es publicada dins la revista The Lancet Infectious Diseases.
Nascut en 1571 dins la vila lombarda de Careàs, que ne prenguèt son nom italianizat, lo pintre s’installèt a Roma, d’ont li calguèt fugir après aver tuat un òme dins una bagarra de carrièra. Passèt los darrièrs quatre ans de sa vida a Nàpols, a Malta e en Sicília. Moriguèt en 1610, e 400 ans pus tard, en 2010, se trobèt sos òsses dins un cementèri en Toscana, dins la vila de Porto Ercole. Los expèrts los analisèron e determinèron que correspondián a l’artista amb un 85% de fisabilitat. Alavetz pensèron que la causa de la mòrt èra una neurosifilis.
Caravaggio es considerat coma un dels pintres pus grands de l’epòca barròca.
Nascut en 1571 dins la vila lombarda de Careàs, que ne prenguèt son nom italianizat, lo pintre s’installèt a Roma, d’ont li calguèt fugir après aver tuat un òme dins una bagarra de carrièra. Passèt los darrièrs quatre ans de sa vida a Nàpols, a Malta e en Sicília. Moriguèt en 1610, e 400 ans pus tard, en 2010, se trobèt sos òsses dins un cementèri en Toscana, dins la vila de Porto Ercole. Los expèrts los analisèron e determinèron que correspondián a l’artista amb un 85% de fisabilitat. Alavetz pensèron que la causa de la mòrt èra una neurosifilis.
Caravaggio es considerat coma un dels pintres pus grands de l’epòca barròca.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los umans fan causas a tustas e a bustas: çò melhor e çò pièger. Lo Caravaggio cercabregas es mòrt mas la seuna òbra es viva; aquò rai per los bolegamèrda !
Damatge que foguèsse estat tant cercabregas! Amb el se son perduts de caps d'obra potencials. Uèi, un molon de pintres -pas totes, precisi- venon vièlhs dins lors pantoflas e nos inondan de telas mascaradas. Quand es pas de mèrda al sens pròpri.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari