Actualitats
L’ÒNU demanda a Espanha que respècte son "obligacion" d’extradir o jutjar los responsables dels crimes del franquisme
Lo raportaire sus la promocion de la vertat, la justícia, la reparacion e las garentidas de non-recidiva planh que l’estat espanhòl aja empedit "los procèsses judiciaris que se fan dins d’autres païses"
L’ÒNU a demandat a l’estat espanhòl que respècte son "obigacion" de jutjar o d’extradir los responsables dels crimes del franquisme. Lo raportaire de las Nacions Unidas sus la promocion de la vertat, la justícia, la reparacion e las garentidas de non-repeticion, Fabián Salvioli, saludèt la decision del govèrn de Pedro Sánchez de tirar lo cadavre de Franco del "Valle de los Caídos" (lo Val dels Tombats) , mas en disent qu’aquò èra pas pro. Per Salvioli, es fòrça important que se realize las "reparacions integralas per totas las victimas" o "que s’empache pas los procèsses judiciaris que se fan dins d’autres païses, e que se respècte l’obligacion d’extradir los responsables o de los jutjar".
En 2015, lo govèrn de Mariano Rajoy empediguèt l’extradicion de qualques responsables dels crimes del franquisme, reclamats per la jutgessa argentina María Servini de Cubría. Ela dirigís, dempuèi lo 14 d’abril de 2010, lo procès dobèrt contra los crimes de la dictatura de Franco dins lo país american. Dins aquel sens, dictèt un mandat d’arrèst internacional quitament amb d’extradicions contra un vintenat de personas per de crimes comeses pendent aquela dictatura. Se tracta de politicians, de policièrs, de jutges militars e d’un mètge.
Donar un autre sens al Valle de los Caídos
A prepaus de l’exumacion de las rèstas del dictator del Valle de los Caídos, Salvioli remembrèt que son predecessor aviá ja demandat a l’estat espanhòl en 2014 d’anar dins aquel sens, e de "donar un autre sens" a aquel gigantesc monument religiós que lo dictator faguèt bastir per que "foguèsse pas pus un monument ignominiós per las victimas de las violacions dels dreches de l’òme comesas a l’epòca".
Segon la vicepresidenta del govèrn espanhòl, Carmen Calvo, tota la “procedura administrativa” per traire la tomba del dictator serà completa abans la fin de 2018. Pasmens, ela expliquèt que la data de l’exumacion seriá pas publica, per evitar de protèstas de l’extrèma drecha.
“Una anomalia en Euròpa”
La revista d’analisi politica Foreign Policy publiquèt un reportatge qu’avertissiá de la persisténcia del franquisme en Espanha. Entitolat “Lo dictator es mòrt, mas sa popularitat demòra viventa”, lo reportatge avertissiá de la preséncia d’un franquisme sociologic e politic mai o mens evident.
Lo reportatge foguèt publicat en seguida de la decision de Pedro Sánchez d’exumar lo cadavre del dictator e de lo traire del Valle de los Caídos. A prepaus d’aquel monument, lo reportatge assolidava qu’èra “un santuari del franquisme e un endrech de pelegrinatge dels partisans de Franco”, e remembrava que dins los darrièrs jorns de nombroses ultradrechistas avián manifestat per las carrièras de Madrid per defendre lo sit e lo dictator.
A mai, lo jornal New York Times parlava en julhet de l’intencion d’exumar lo còrs del dictator. “Espanha es una anomalia en Euròpa”, çò disiá lo títol del reportatge que remarcava: “Alemanha a pas cap de monument consagrat a Adolf Hitler. Itàlia n’a pas cap de consagrat a Benito Mussolini. Mas Espanha a lo Valle de los Caídos, una basilica que sèrva las rèstas de Francisco Franco”.
Un gigantesc monument religiós
Lo Valle de los Caídos es un gigantesc monument religiós al nòrd de Madrid, bastit per l’obsession del dictator que ne vesitava lo talhièr plan regularament. Franco comandèt lo bastiment del sit lo 1r d’abril de 1939, jorn que s’acabèt la Guèrra Civila espanhòla. Lo general putschista disiá qu’èra concebut per rendre omenatge als mòrts de la guèrra, tan franquistas coma republicans, mas en realitat es una clara apologia del franquisme. Dins la cripta se tròba los tombèls del cap de la Falange, José Antonio Primo de Rivera, e del dictator Francisco Franco.
L’origina dels cadavres enterrats ailà es malsegura. Los archius documentan aperaquí la mitat dels còrses, mas se desconeis l’identitat dels autres. Los còrses foguèron amassats e raportats de divèrses prats batalhièrs de la guèrra.
Per la bastison del monument se faguèt trabalhar de presonièrs politics, que lor avián promesa una reduccion de pena en escambi de lor trabalh e d’un petit salari. Pasmens, la manca de mejans e de seguretat provoquèt la mòrt de maites obrièrs.
A l’ora d’ara, lo Valle de los Caídos es una abadiá catolica, una atraccion toristica e tanben un ponch d’amassada de divèrses grops faissistas lo 20 de novembre, jorn de la mòrt de Primo de Rivera e de Franco.
Amb lo retirament del cadavre de Franco, se cèrca de despolitizar lo monument.
En 2015, lo govèrn de Mariano Rajoy empediguèt l’extradicion de qualques responsables dels crimes del franquisme, reclamats per la jutgessa argentina María Servini de Cubría. Ela dirigís, dempuèi lo 14 d’abril de 2010, lo procès dobèrt contra los crimes de la dictatura de Franco dins lo país american. Dins aquel sens, dictèt un mandat d’arrèst internacional quitament amb d’extradicions contra un vintenat de personas per de crimes comeses pendent aquela dictatura. Se tracta de politicians, de policièrs, de jutges militars e d’un mètge.
Donar un autre sens al Valle de los Caídos
A prepaus de l’exumacion de las rèstas del dictator del Valle de los Caídos, Salvioli remembrèt que son predecessor aviá ja demandat a l’estat espanhòl en 2014 d’anar dins aquel sens, e de "donar un autre sens" a aquel gigantesc monument religiós que lo dictator faguèt bastir per que "foguèsse pas pus un monument ignominiós per las victimas de las violacions dels dreches de l’òme comesas a l’epòca".
Segon la vicepresidenta del govèrn espanhòl, Carmen Calvo, tota la “procedura administrativa” per traire la tomba del dictator serà completa abans la fin de 2018. Pasmens, ela expliquèt que la data de l’exumacion seriá pas publica, per evitar de protèstas de l’extrèma drecha.
Este matí hem estat al diàleg amb Fabián Salvioli, Relator d l’ONU per la veritat, la justícia, la reparació i la garantia de no repetició, on hem tingut l’oportunitat d’escoltar diverses associacions de víctimes del franquisme. Tota una experiència. pic.twitter.com/kW7HkBMjA9
— El Rogle (@ElRogle_MiA) 18 de setembre de 2018
“Una anomalia en Euròpa”
La revista d’analisi politica Foreign Policy publiquèt un reportatge qu’avertissiá de la persisténcia del franquisme en Espanha. Entitolat “Lo dictator es mòrt, mas sa popularitat demòra viventa”, lo reportatge avertissiá de la preséncia d’un franquisme sociologic e politic mai o mens evident.
Lo reportatge foguèt publicat en seguida de la decision de Pedro Sánchez d’exumar lo cadavre del dictator e de lo traire del Valle de los Caídos. A prepaus d’aquel monument, lo reportatge assolidava qu’èra “un santuari del franquisme e un endrech de pelegrinatge dels partisans de Franco”, e remembrava que dins los darrièrs jorns de nombroses ultradrechistas avián manifestat per las carrièras de Madrid per defendre lo sit e lo dictator.
A mai, lo jornal New York Times parlava en julhet de l’intencion d’exumar lo còrs del dictator. “Espanha es una anomalia en Euròpa”, çò disiá lo títol del reportatge que remarcava: “Alemanha a pas cap de monument consagrat a Adolf Hitler. Itàlia n’a pas cap de consagrat a Benito Mussolini. Mas Espanha a lo Valle de los Caídos, una basilica que sèrva las rèstas de Francisco Franco”.
Un gigantesc monument religiós
Lo Valle de los Caídos es un gigantesc monument religiós al nòrd de Madrid, bastit per l’obsession del dictator que ne vesitava lo talhièr plan regularament. Franco comandèt lo bastiment del sit lo 1r d’abril de 1939, jorn que s’acabèt la Guèrra Civila espanhòla. Lo general putschista disiá qu’èra concebut per rendre omenatge als mòrts de la guèrra, tan franquistas coma republicans, mas en realitat es una clara apologia del franquisme. Dins la cripta se tròba los tombèls del cap de la Falange, José Antonio Primo de Rivera, e del dictator Francisco Franco.
L’origina dels cadavres enterrats ailà es malsegura. Los archius documentan aperaquí la mitat dels còrses, mas se desconeis l’identitat dels autres. Los còrses foguèron amassats e raportats de divèrses prats batalhièrs de la guèrra.
Per la bastison del monument se faguèt trabalhar de presonièrs politics, que lor avián promesa una reduccion de pena en escambi de lor trabalh e d’un petit salari. Pasmens, la manca de mejans e de seguretat provoquèt la mòrt de maites obrièrs.
A l’ora d’ara, lo Valle de los Caídos es una abadiá catolica, una atraccion toristica e tanben un ponch d’amassada de divèrses grops faissistas lo 20 de novembre, jorn de la mòrt de Primo de Rivera e de Franco.
Amb lo retirament del cadavre de Franco, se cèrca de despolitizar lo monument.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tanta sort fos aital ! Mas los fiscal e jutges franquistes, que non son tots afortunadament, ja qu' hi ha " jutges per la democràcia", aqueles los reaccionaris ocupen los locs principals de l'Estat, e fan lo que vol lo PP qu' es lo partit hereu del franquisme e Ciudadanos de la falanja.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari