Coca-Cola estúdia d’intrar dins lo mercat de las bevendas de cannabis. Segon Bloomberg, la societat estatsunidenca a contactat Aurora Cannabis Inc. per veire la viabilitat del produch. Aurora es una societat canadiana amb licéncia de produire de marihuana a Edmonton. La bevenda contendriá de cannabinòl (CBD), qu’es un dels compausants del cannabis, mas qu’es pas psicoactiu coma lo THC, de sòrta que lo produch seriá legal dins fòrça païses.
 
Coca-Cola a pensat a una estrategia comerciala de diversificar sa produccion de bevendas. En març passat, signèt un acòrdi amb una societat japonesa per produire una bevenda alcolica e crompèt una part de la companhiá Bodyarmor per se consolidar dins lo mercat de las bevendas isotonicas.
 
Aurora Cannabis e Coca-Cola an pas res concretizat mas, dempuèi que son publicas las convèrsas, las accions en borsa de la societat canadiana an pujat d’un 22%.