capçalera campanha

Actualitats

InternacionalSocietat

Itàlia: lo feminisme es inquiet del populisme masclista del govèrn

Arriban de mesuras contra lo “grèu fenomèn de l’alienacion parentala” del temps que se debat una lei contra “las concessions e las batalhas ideologicas feministas contra los òmes”

Las associacions de femnas d’Itàlia an paur que los cambiaments legals del nòu govèrn populista ajan de consequéncias grèvas sus las victimas de la violéncia masclista. Lo nòu govèrn de coalicion entre lo populista Movement Cinc Estelas (M5E) e l’extrèma drecha de la Liga prepara de mesuras per combatre lo “grèu fenomèn de l’alienacion parentala”, es a dire que vòlon combatre qu’un dels parents manipule los enfants per que refusen l’autre.
 
“Los òmes acusats de violéncia masclista poirián profechar d’aquelas mesuras”, çò ditz a The Guardian la presidenta de l’associacion de Femnas en Ret contra la Violéncia, Lella Palladino. “Aquò poiriá daissar dins una situacion vulnerabla las femnas victimas de la violéncia masclista e lors enfants, e quitament provocar que mens de femnas denoncièsson las agressions”, çò precisa.
 
En mai d’aquò, i una autra lei qu’inquieta las feministas italianas. S’agís de la que definís las despensas partejadas per l’entretenença dels enfants; es redigida pel senator de la Liga Simone Pillon, e son debat comencèt al parlament italian la setmana passada. Segon Pillon, “n’i a pro de las concessions e de las batalhas ideologicas feministas contra los òmes, cal pensar pas qu’als enfants”.
 
Es lançada una peticion Change.org per que se retire aquela lei mentre que s’alestís una manifestacion de protèsta lo 10 de novembre venent a Roma.
 
 

 


 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Mèfi ! 31
4.

"populisme masclista del govèrn"
Las idéas d'aquella coalicion me desagradan. Se sòrten d'una majoritat populara, son totun pas la totalitat del pòble italian.
Le mot "populisme" me platz pas cap, que descredita tot pòble e tota democracia.
Aquell mòt es pas innocent, que vèn dels ultra-liberals, ostils decap a l'expression populara e democratica, ouppausant pòble/elèit.
Çò'm par important jornalisticament...



  • 4
  • 0
Pierre TERRAL
3.

Siái pas segur que siague lo "nòu govèrn populista" lo pus grand dangièr per las italianas :

http://www.bvoltaire.fr/italie-jeune-fille-demembree-compte-migrants/
https://www.breizh-info.com/2018/08/26/101328/italie-migrant-senegalais-viol
https://www.breizh-info.com/2018/05/22/96205/rome-migrants-bangladesh-viol-femme
https://lesobservateurs.ch/2017/08/29/viol-collectif-a-rimini-par-des-africains-un-mediateur-pour-migrants-declare-que-le-viol-ce-nest-pas-si-terrible/

  • 4
  • 17
papioli
2.

Uei mandin los mots en isme ( feminisme, maclista, populisme...) volan dins Jornalet.
Lo vent que ven de l'Atlantique e lo mistral an besonh de bufar per rafraichir las cervelas daus gens dau sud ente fai enguera chaud.
Tombatz pas dins l'error de creire tot çò que disan los jornaus que son paiats per agonir lo governament italian. I a pas d'informacions mas una guerra ente tots los còps son permetuts. I a pas desbat mas manipulacion e messonges.
Lo governament italian a benleu dau tòrt mas la campanha mediatica fai mai paur que la realitat.

  • 4
  • 8
Togliatti
1.

Qualcun pòt explicar çò que significa concretament e clara "combatre qu'un dels parents manipule los enfants per que refusen l'autre".
Mercés

  • 1
  • 0

Escriu un comentari sus aqueste article