CAPÇALERA PAIS INVISIBLE

Actualitats

InternacionalPolitica

Manuel Valls anóncia uèi se serà candidat a la comuna de Barcelona

Farida Armani a demandat a Valls que demissione per son absenteïsme dins las institucions francesas

Manuel Valls explicarà uèi dimars de Barcelona estant se se presenta coma candidat al mandat de cònsol màger de la capitala de Catalonha a las eleccions municipalas de l’an venent. Dins sa compareissença, que se farà aqueste ser al Centre de la Cultura Contemporanèa de Barcelona (CCCB), l'èx-primièr ministre francés serà present amb las personas que l'an "acompanhat durant lo procès de reflexion" e amb qui a "partejat d'idèas sus l'avenir de Barcelona".
 
En contrapartida, Farida Armani, rivala de Manuel Valls a las legislativas de l'an passat per sa circonscripcion d'Essonne, al sud de París, a demandat a Valls que Valls demissione per l'absenteïsme dins las institucions.
 
Se Valls demissionava, caldriá convocar de nòvas eleccions legislativas parcialas dins sa circonscripcion d'Essone.
 
 
Amb la drecha extrèma espanholista
 
Per ara, sabèm pas se Valls se presentarà, e s'o farà unicament pel partit de
Ciutadans, un movement politic ultranacionalista espanhòl e antiindependentista, que se bat contra las politicas lingüisticas que favorisson lo catalan e l’occitan en Catalonha e Aran. Valls aviá fach saber que voliá èsser en cap d'una candidatura pus larga, qu'amassèsse de mond d'autras sensibilitats.
 
En tot cas, sembla de mai en mai clar que l'èx-primièr ministre francés es prèst per far sa campanha per las municipalas a Barcelona, mai que mai après publicar sus Twitter una fòto de sos pès que traupissavan los cairèls caracteristics d'un trepador barcelonés. En mai d'aquò, a mandat un comunicat a la premsa d’una adreiça e-mail estant acabada en "@valls2019.com".
 

 
Farida Amrani respondèt sul pic a la fiulada de Valls:
 

 
 
Fòrça engatjat contra l’independéncia de Catalonha
 
En abril passat, Valls expliquèt a la television publica espanhòla, TVE, qu’estudiava la proposicion del partit politic Ciudadanos que li ofrís d’èsser candidat a la direccion de la comuna de Barcelona per las eleccions municipalas venentas. Valls precisèt que s’èra fòrça engatjat contra l’independéncia de Catalonha perque cresiá qu’èra un afar fòrça important per Euròpa e li agradariá de demorar engatjat “d’un biais o d’un autre”. Per ansin, ajustèt: “Soi intrat dins aquel debat pr’amor que soi nascut a Barcelona, filh de catalan, e perque vòli tanben donar a Catalonha e a Espanha mas originas”.
 

Mesa a jorn 21:00 
 





abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Gerard Cairon Florentin d Albigés
11.

En Albigés - e benlèu endacòm mai, quand los adults volian far paur als dròlles qu'avian facha una bestiesa, los menaçavan d'un emplastre que se podia dire tanben un "revira vai te'n !"
"Te vas prene un revira vai te'n ! " aqui çò que m'es estat dich tantes còps, e me pensi qu'es tot çò que podem esperar pel Valls.....al figurat e al pròpi...

  • 7
  • 0
francesc palma
10.

Manolo ara amb los falangistas apren lo Cara al sol, porta sempre ulheres de sol, camisa falangista, e sustot demana li al banc Sabadelh un milionet o dos per presentar-te. No passaretz !

  • 6
  • 0
E Passa Que T ai Vist
9.

#8 Non solament la mediaticalha parisenca fai passar Ciutadanos per un partit de centre drech "à la Bayrou" e los independentistas catalans per de cripto-fachistas que mètan en perilh la democracia, mas en pus son segretament regausits de veire la candidatura d'un parisenc (= un d'entre nous !) a la comuna de Barcelona. Nacionalism cocardier que lor dona l'impression que tre qu'un francofon (es a dire dins l'inconscient jacobin un pichot fraire que dèu respiech e obedissènça a son grand fraire Paris) es elegit en quauque luoc dau mond es la França que ganha. Veire l'estrambord de la jornalistalha parisenca per Michel Temer (Brasil) , Michelle Bachelet (Chile), John Kerry (estatsunidenc francofon e de maire francèsa)...eca.. Lo perfil politic o ideologic importa gaire, ço que fai fantasmar es qu'aquel es "un des nôtres", doncas potencialament al servici dau nacional-parisianism. E aquo sufis grandament per encantar la parisencalha mediatica.

  • 7
  • 1
Pirolet
8.

#7 Clar i catalá ! O ditz pas en catalan “La semaine du Roussillon” mas o ditz clarament : Ciudadanos es un partit d’extrèma drecha. Los mèdias francimands contunhan de mentir sul sicut en presentant aquel partit coma de “centra drecha”. Ai mandat un messatge al “Canard Enchainé” que tornava emplegar aquela qualificacion messorguièra dins un article sus Valls, mas se’n foton. Se vei que lo rit es plan encadenat a sos prejutjats jacobins.

  • 14
  • 0
Oc Soïssa
7.

Catalogne : le parti d’extrême-droite Ciudadanos propose à Manuel Valls d’être candidat à Barcelone

https://www.lasemaineduroussillon.com/2018/04/20/catalogne-le-parti-dextreme-droite-ciudadanos-propose-a-manuel-valls-detre-candidat-a-barcelone/

  • 6
  • 0

Escriu un comentari sus aqueste article