Actualitats
Sant Victor e Melviu: lo combat contra un transformador electric pren de vam
An ocupat lo sit amb la tòca de luchar contra un projècte d'RTE de s'apoderar de las tèrras de dos joves agricultors
Lo combat contra l'implantacion d'un transformador electric de sèt ectaras a Sant Victor e Melviu (Santafrican) a pres una nòva dimension. Dissabte passat, qualques centenats de personas manifestèron a Sant Africa en amassant de militants ecologistas, de sindicats e de païsans. E dimenge, la còla de l'Amassada s'installèron sus plaça. Los militants decidiguèron en assemblada l'ocupacion permanenta dels luòcs, amb los uèlhs sul rendètz-vos qu'an uèi, dimècres 26 de setembre a 10h, amb lo jutge de l'expropriacion, qu'es encargat de chifrar la valor de las cinc ectaras de terrens previstas pels trabalhs. "Aqueles terrens son pas de vendre", çò afirman los ocupants de la zòna a defendre (ZAD) del sud de Roergue.
L'Amassada, que son nom oficial es en occitan, acampa de mond en lucha contra RTE (Ret Transpòrt Electricitat) que lo projècte d’RTE èra de s’apoderar de las tèrras de dos joves agricultors per fin d’i metre lo mençonat transformador electric de sèt ectaras. Los de l’Amassada an doncas decidit d’ocupar e de far d'aquelas tèrras una proprietat comuna, indivisa, que sos membres, an prestat solemnament lo jurament —lo jurament dels Indivisibles— de la defendre contra aquel projècte e mai tot projècte de nosença.
Sus aquela lucha an fach un vidèo amb lo títol en occitan “Pas res nos arrèsta”.
Lo vent de la revòlta
La còla de l'Amassada alarguèron la portada de lors contestacions dins la Fèsta del Vent, un eveniment qu'organizan cada annada per difondre lor lucha contra EDF. "Podèm pas luchar unicament contra lo transformador de Sant Victor", çò declara a Midi Libre un representant d'aquel collectiu que precisa que "l'educacion, lo mond espitalièr, los servicis publics... devèm defendre nòstra ruralitat".
La Fèsta del Vent foguèt tanben l'ocasion d'escambiar a l'entorn de las problematicas de las energias renovelablas, que se presentan coma un afar ecologic. L'ensagista marselhés Alèssi dell'Umbria i expliquèt son trabalh de sosten als pòbles de l'istme de Tehuantepec, en Mexic: aquestes, après patir un tèrratrem, comencèron un periòde de resisténcia contra los megaprojèctes multinacionals que vòlon transformar la region entièra en parc eolian, çò que menaça lors tèrras comunalas e lor biais de viure al país.
Per assabentar de la lucha de Tehuantepec, Alèssi dell'Umbria realizèt un filme entitolat Lo vent de la revòlta, que podètz veire en seguida.
L'Amassada, que son nom oficial es en occitan, acampa de mond en lucha contra RTE (Ret Transpòrt Electricitat) que lo projècte d’RTE èra de s’apoderar de las tèrras de dos joves agricultors per fin d’i metre lo mençonat transformador electric de sèt ectaras. Los de l’Amassada an doncas decidit d’ocupar e de far d'aquelas tèrras una proprietat comuna, indivisa, que sos membres, an prestat solemnament lo jurament —lo jurament dels Indivisibles— de la defendre contra aquel projècte e mai tot projècte de nosença.
Sus aquela lucha an fach un vidèo amb lo títol en occitan “Pas res nos arrèsta”.
Lo vent de la revòlta
La còla de l'Amassada alarguèron la portada de lors contestacions dins la Fèsta del Vent, un eveniment qu'organizan cada annada per difondre lor lucha contra EDF. "Podèm pas luchar unicament contra lo transformador de Sant Victor", çò declara a Midi Libre un representant d'aquel collectiu que precisa que "l'educacion, lo mond espitalièr, los servicis publics... devèm defendre nòstra ruralitat".
La Fèsta del Vent foguèt tanben l'ocasion d'escambiar a l'entorn de las problematicas de las energias renovelablas, que se presentan coma un afar ecologic. L'ensagista marselhés Alèssi dell'Umbria i expliquèt son trabalh de sosten als pòbles de l'istme de Tehuantepec, en Mexic: aquestes, après patir un tèrratrem, comencèron un periòde de resisténcia contra los megaprojèctes multinacionals que vòlon transformar la region entièra en parc eolian, çò que menaça lors tèrras comunalas e lor biais de viure al país.
Per assabentar de la lucha de Tehuantepec, Alèssi dell'Umbria realizèt un filme entitolat Lo vent de la revòlta, que podètz veire en seguida.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sosten!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari