La vila d’Ahvaz, dins lo sud-èst d’Iran, patiguèt dissabte passat un atemptat terrorista amb un tragic bilanç de 29 personas mòrtas e una setantena de nafradas. Quatre òmes armats fusilhèron de clucons un desfilat militar e lo public. L’atac l’a revendicat l’autoproclamat Estat Islamic, mas lo govèrn iranian n’acusa lo movement separatista arabi de la region que recebriá, segon Teheran, lo sosten de l’Arabia Saudita, d’Israèl e dels principals aliats dels Estats Units dins la region.
 
Dins aquel sens, lo govèrn d’Iran a apelat a consultacions los ambaissadors dels Païses Basses e de Danemarc, e tanben l’encargat dels afars comercials del Reialme Unit a Teheran, per lor exprimir son malèsser en rason dels eventuals ligams que los avián los terroristas amb aqueles païses. En mai d’aquò, lo ministre dels afars estrangièrs iranian a dich net e clar que los responsables de l’atac son “los pairins regionals del terrorisme e de lors mèstres los estatsunidencs”.
 
De son caire, lo president iranian Hasan Rohani a promés una “responsa implacabla”.
 
 
 

Terrorists recruited, trained, armed & paid by a foreign regime have attacked Ahvaz. Children and journos among casualties. Iran holds regional terror sponsors and their US masters accountable for such attacks. Iran will respond swiftly and decisively in defense of Iranian lives. pic.twitter.com/WG1J1wgVD9

— Javad Zarif (@JZarif) 22 de setembre de 2018

IRNA's photos show a brave 20-year-old Army soldier helping civilians and wounded people in today's #AhvazAttackpic.twitter.com/aIWvtIXdMX

— Reza Khaasteh (@Khaaasteh) 22 de setembre de 2018