Actualitats
An illegalizat lo partit independentista d’Hong Kong
E mai se s’agís d’un partit minoritari, la polícia e lo govèrn chinés considèran qu’es una “menaça imminenta per la seguretat nacionala”
Las autoritats d’Hong Kong an corbat l’esquina davant las pressions de la China e an illegalizat lo Partit Nacional d’Hong Kong (HKNP), que defend l’independéncia de la region. La China a invocat “de rasons de seguretat”. Per tant, lo ministre de la seguretat de la vila, John Lee, a enebit totas las activitats de l’HKNP.
La polícia de la vila aviá ja recomandat d’enebir lo partit, minoritari, fondat en 2016, en disent qu’èra una “menaça imminenta per la seguretat nacionala”. Lo govèrn de Pequin tanben ne voliá l’illegalizacion. Tota activitat d’aquel partit serà punida amb una multa de 100 000 dolars honkongueses (aperaquí 11 000 èuros). L’HNKP pòt depausar un recors contra aquela decision abans 30 jorns.
Lo fondador de l’HKNP, Andy Chan, expliquèt que lo partit s’èra creat per luchar contra lo colonialisme e perque Hong Kong seriá pas un país democratic tant que seriá pas independent. “Foguèrem colonizats pels britanics e ara sèm colonitzats pels chineses. Ont es lo drech d’autodeterminacion, per decidir nòstre futur?”, çò aviá dich l’an passat dins un parladís davant de centenats de personas. La vila foguèt una colònia britanica fins en 1997, quand passèt jos la dominacion de China.
La seguida de la repression
En 2014, una granda mobilizacion dels estudiants per revendicar mai de dreches e de libertats ocupèt las carrièras de la vila pendent setanta nòu jorns. Los activistas bloquèron las principalas artèrias d’Hong Kong pendent onze setmanas per protestar contra lo plan de Pequin d’i far d’eleccions amb de restriccions democraticas, amb de candidats preseleccionats per las autoritats chinesas. Recebèt lo nom de “Revòlta dels Parapluèjas” perque los manifestants se protegiguèron dels gases lacrimògens de la polícia amb de parapluèjas.
Qualques meses pus tard, las autoritats d’Hong Kong embarravan en preson tres activistas pròdemocracia acusats d’aver participat a de “susmautas”. En aqueles faches unas cent personas foguèron nafradas per qualques manifestants encagolats qu’avián lançat de contenedors d’escobilhas e de teulas dins l’encastre d’una manifestacion contra las retalhadas de libertats e d’autonomia per Pequin. La condemna dels tres estudiants activistas provoquèt una autra mobilizacion de milièrs de manifestants, que donèron de vam a la lucha de la Revòlta dels Parapluèjas.
Ara, las autoritats d’Hong Kong an decidit d’intensificar la repression contra lo movement en enebissent lo partit independentista. Mas abans s’èra ja pres de decisions antidemocraticas, coma obténer qu’un tribunal obliguèsse de daissar vacants los sètis dels deputats independentistas, qu’avián daverat un sèti al Conselh Legislatiu.
La polícia de la vila aviá ja recomandat d’enebir lo partit, minoritari, fondat en 2016, en disent qu’èra una “menaça imminenta per la seguretat nacionala”. Lo govèrn de Pequin tanben ne voliá l’illegalizacion. Tota activitat d’aquel partit serà punida amb una multa de 100 000 dolars honkongueses (aperaquí 11 000 èuros). L’HNKP pòt depausar un recors contra aquela decision abans 30 jorns.
Lo fondador de l’HKNP, Andy Chan, expliquèt que lo partit s’èra creat per luchar contra lo colonialisme e perque Hong Kong seriá pas un país democratic tant que seriá pas independent. “Foguèrem colonizats pels britanics e ara sèm colonitzats pels chineses. Ont es lo drech d’autodeterminacion, per decidir nòstre futur?”, çò aviá dich l’an passat dins un parladís davant de centenats de personas. La vila foguèt una colònia britanica fins en 1997, quand passèt jos la dominacion de China.
La seguida de la repression
En 2014, una granda mobilizacion dels estudiants per revendicar mai de dreches e de libertats ocupèt las carrièras de la vila pendent setanta nòu jorns. Los activistas bloquèron las principalas artèrias d’Hong Kong pendent onze setmanas per protestar contra lo plan de Pequin d’i far d’eleccions amb de restriccions democraticas, amb de candidats preseleccionats per las autoritats chinesas. Recebèt lo nom de “Revòlta dels Parapluèjas” perque los manifestants se protegiguèron dels gases lacrimògens de la polícia amb de parapluèjas.
Qualques meses pus tard, las autoritats d’Hong Kong embarravan en preson tres activistas pròdemocracia acusats d’aver participat a de “susmautas”. En aqueles faches unas cent personas foguèron nafradas per qualques manifestants encagolats qu’avián lançat de contenedors d’escobilhas e de teulas dins l’encastre d’una manifestacion contra las retalhadas de libertats e d’autonomia per Pequin. La condemna dels tres estudiants activistas provoquèt una autra mobilizacion de milièrs de manifestants, que donèron de vam a la lucha de la Revòlta dels Parapluèjas.
Ara, las autoritats d’Hong Kong an decidit d’intensificar la repression contra lo movement en enebissent lo partit independentista. Mas abans s’èra ja pres de decisions antidemocraticas, coma obténer qu’un tribunal obliguèsse de daissar vacants los sètis dels deputats independentistas, qu’avián daverat un sèti al Conselh Legislatiu.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los angleses hagueren de partir per los pactes signats amb lo govern de la Xina, senon los haguerssen donat una correguda e tirat a l'aiga. Los valia mai partir.
Non cal anar a cercar tan luenh, que passa aquí e a França?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari