La jornalista Weam Al Dakheel es la primièra femna de l’istòria de l’Arabia Saudita a presentar un jornal d’informacions per la television estatala. E mai o faguèsse pas sola mas acompanhada d’un òme, l’eveniment marca un pas endavant devèrs l’incorporacion de las femnas a la vida publica d’aquela monarquia conservatritz e ultrareligiosa. En junh passat, las femnas obtenguèron lo drech de menar de veïculs.
 
Totun, l’egalitat de genre es dramaticament absenta en aquel país. Las femnas an de besonh d’una autorizacion d’un tutor masculin —paire, marit, fraire o filh— per far d’estudis superiors, cercar un emplec, viatjar o se maridar. En mai d’aquò, las femnas sauditas son pas protegidas contra la violéncia sexuala ni contra cap de mena de violéncia contra lor condicion de femnas, çò denóncia Amnestia Internacionala.
 
Ça que la, l’Arabia Saudita fa partida de la Comission dels Dreches de las Femnas de Nacions Unidas dempuèi lo 1r d’abril de 2017, e de l’entitat per l’Egalitat de Genre e l’Autonomizacion de las Femnas, tanben de las Nacions Unidas, dempuèi lo 1r d’abril passat. Human Rights Watch o critica.
 
 

Weam Al Dakheel est la 1ère Saoudienne à présenter le journal télévisé sur une chaine nationale !!

@WeamAlDakheel  #JamaisSansElles#Société#WeamAlDakheel#Journaliste#Actu#ArabieSaoudite#WomenPower#Womeninmedia#Wada7@Wada7#WomenEmpowerment#JTpic.twitter.com/8IMXqKLiMj

— wada7 France (@Wada7fr) 25 de setembre de 2018