Una cirurgiana, una esteticiana, una activista pels dreches umans e una influenciaira son estadas assassinadas dins lo relambi d’un mes. Las quatre victimas avián revendicat l’autonomizacion de las femnas
Rafif Al Yaseri
En Iraq, quatre femnas conegudas foguèron assassinadas a la fin de l'estiu passat. Se tracta de la cirurgiana plastica Rafif Al Yaseri, de Rasha Al Hasan, qu’es proprietària d’un salon de beutat, de l’activista pels dreches umans Suad Al Ali e de l’influenciaira Tara Fares.
Las quatre victimas avián revendicat l’autonomizacion de las femnas. Lors assassinats poirián èsser estats comeses per de grops radicals qu’accèptan pas l’emancipacion de las femnas, dins l’encastre d’una societat, qu’après un periòde longàs de guèrra, a reculat devèrs l’ultraconservatisme.
Los rets socials mòstra d’indignacion davant aquelas mòrts. Mai que mai, per la mòrt de Fares, l’influenciaira qu’aviá mai de 2,5 milions de seguidors suls rets socials. Un influenciaire es una persona que ten una cèrta credibilitat pr’amor de sa preséncia e de son influéncia suls rets socials, e pòt quitament arribar d’èsser un grand prescriptor per cèrtas marcas e de crear de tendéncias de la mòda.
Fares aviá 22 ans e foguèt fusilhada la setmana passada quand circulava per las carrièras de Bagdad en menant una veitura de luxe. I a d’imatges d’aquel moment tragic ont se pòt veire dos òmes en mòto a venir devèrs sa veitura. Ela foguèt Miss Bagdad e participèt a un fum de programas de television. Aviá un canal sus YouTube e mai de dos milions de seguidors sus Instagram.
Suad Al Ali foguèt assassinada la setmana passada quand veniá de far de crompas dins un supermercat amb son marit. Ela aviá 46 ans e èra una defendeira afogada dels dreches umans. Dempuèi julhet manifestava contra las politicas del govèrn.
Rasha Al Hasan, revendicaira de la beutat
Rasha Al Hasan èra proprietària d’un centre de beutat a Bagdad, que moriguèt dins d'estranhas circonstàncias lo 23 d’agost passat.
Rafif Al Yaseri, la “Barbie” d’Iraq
Rafif Al Yaseri era coneguda amb l’escais de la “Barbie” d’Iraq. La trobèron mòrta lo 16 d’agost passat. Ela èra cirurgiana plastica e organizava de programas especializats sus de tèmas medicals per las femnas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Acò es lo qu' han portat los iencos, morts, misèria, mafias, paramilitars, explotacion dels recursos naturals....Non cal dire que la poblacion vivia milhor amb Sadam Hussein.
Respècte a totas aquelas femnas que lutan per la libertat din pais totalitaris.
Al contrari, soi triste de véser que lo model occidental de libertat e d'emancipacion resta "barbie" o "Kim Kardashian". Lo monde va mal....
E lo tot dins un silenci mediatic generau assordissent !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Acò es lo qu' han portat los iencos, morts, misèria, mafias, paramilitars, explotacion dels recursos naturals....Non cal dire que la poblacion vivia milhor amb Sadam Hussein.
Respècte a totas aquelas femnas que lutan per la libertat din pais totalitaris.
Al contrari, soi triste de véser que lo model occidental de libertat e d'emancipacion resta "barbie" o "Kim Kardashian". Lo monde va mal....
E lo tot dins un silenci mediatic generau assordissent !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari