capçalera campanha

Actualitats

InternacionalPolitica
crotz-tolosaCreated with Sketch.GasconhaVal d'Aran

Catalonha e Aran se son recordats del 1r d’octòbre de 2017

An exigit d’aplicar lo resultat del referendum d’independéncia d’arunan, que se tenguèt jos la violéncia desmesurada de la polícia espanhòla

| Òmnium
Catalonha e Aran se remembrèron ièr del 1r d’octòbre de 2017, quand l’estat espanhòl foguèt incapable d’empachar un referendum sus l’independéncia malgrat la fòrta repression. Los catalans e los araneses se ramentavan ièr qu’arunan avián plaçat los burèus de vòte, las urnas e los bulletins (en catalan e occitan) malgrat la persecucion policièra de las setmanas precedentas, e que mai de dos milions de ciutadans votèron, jos la violéncia desmesurada de la polícia espanhòla.
 
D’acamps matinals, de barratges d’estradas e de camins de fèrre, una cauma d’estudiants, d’acamps a miègjorn davant los luòcs de trabalh, e de grandas manifestacions de ser dins las principalas vilas revendiquèron que s’apliquèsse lo resultat del referendum e que se proclamèsse la Republica de Catalonha e Aran, e condemnèron la violéncia dels policièrs.
 
 
De manifestacions nombrosas
 
A Barcelona, lo cortègi de centenats de milièrs de personas portèt fins al Parlament de Catalonha una urna plena de messatges dels ciutadans que demandan l’independéncia del país. Tanben a Girona, Tarragona, Lhèida e dins d’autras vilas, las manifestacions foguèron multitudinàrias.
 
Sul malhum a ben capitat una campanha ciutadana per commemorar lo 1r d’octòbre de l’an passat amb las istòrias personalas de cadun e amb l’etiqueta #elmeu1o. De mençonar lo rapòrt de VilaWeb suls 150 ciutadans de Catalonha Nòrd, que salvèron las urnas dins l’estat francés mentre que las autoritats espanhòlas las perseguissián.
 
Un an après aqueles eveniments, l’unionisme espanhòl s’es mostrat mai que mai violent del temps que l’independentisme demòstra cada jorn qu’es pas las.  Après 12 annadas de mobilizacions subrenombrosas, lo sobeiranisme catalan se mostrèt pus fòrt que jamai l’11 de setembre e tanben aqueste 1r d’octòbre.
 
Après l’11 de setembre e l’anniversari del referendum del 1r d’octòbre, deu venir lo jutjament dels elegits e caps independentistas pel qual s’acceptarà pas qu’un aquitament. E mentretant, cada jorn i a d’acamps per la libertat. Lo nòu govèrn de Madrid refusa de negociar, exactament coma o fasiá l’anterior... mas cossí se poiriá negociar amb los representants d’un camp en preson?
 
 



 

 

 


 


 


 

 







 


abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Ròsa Luxemborg
2.

An exigit d’aplicar lo resultat del referendum d’independéncia d’arunan, que se tenguèt jos la violéncia desmesurada de la polícia espanhòla… E òc : se creson en democracia !

  • 3
  • 0
Pascau
1.

Solidaritat!

  • 3
  • 0

Escriu un comentari sus aqueste article