Actualitats
Manuel Valls a quitat la politica francesa amb d’aplaudiments e de repròchis
L’èx-primièr ministre francés faguèt dimars passat son darrièr discors a l’Assemblada Nacionala francesa en soslinhant que vòl portar las valors de la Republica a Barcelona
Manuel Valls a ja dich adieu a la politica francesa per se consagrar a sa candidatura coma cònsol màger a la comuna de Barcelona. Dimars passat, l’èx-primièr ministre francés faguèt son darrièr discors a l’Assemblada Nacionala francesa en soslinhant las valors de la Republica francesa. “Son un messatge eternal de França al Mond e a Euròpa. O defendèri aicí e o anarai defendre dins una autra vila”, çò precisèt.
Valls recebèt una larga reconeissença de l’assemblada francesa, malgrat que sos èx-camaradas socialistas e lo grop de La França Insomesa de Jean-Luc Mélenchon se planguèsson del tractament preferencial que l’aguèt Valls.
“França vos serà totjorn reconeissenta”
Tant lo president de l’Assemblada coma lo primièr ministre, Édouard Philippe, soslinhèron la gestion de Valls durant los atemptats terroristas de 2015. “França vos serà totjorn reconeissenta”, çò diguèt Philippe a Valls
“Santa desliurança”
Los deputats de La França Insomesa (FI) a l’Assemblada prenguèron comjat de Manuel Valls en mostrant de plancardas que disián “bon débarras”, una expression francesa que vòl dire “santa desliurança”. La còla de Mélenchon afichèron aquelas plancardas al moment que lo president de la cambra e los deputats de la Republica en Marcha li fasián una ovacion per dire adieu a l’èx-primièr ministre socialista francés. Valls quita lo parlament per se presentar a las eleccions municipalas de Barcelona.
Jean-Luc Mélenchon, president de La França Insomesa, partegèt l’imatge suls rets socials. Puèi diguèt als mèdias que Valls aviá rendut “un grand servici a la drecha dins la mesura qu’aviá destruch l’esquèrra governamentala”.
Quita França “amb lo quitran e las plumas”
Tanben son ancian camarada de partit, Olivier Faure, jutgèt dimenge passat que Valls quitava França “amb lo quitran e las plumas”.
Segon Le Point, Faure se recordèt qu’al moment de las primàrias de la drecha, a la fin de 2016, l’èx-primièr ministre francés “aviá fach a Évry una declaracion d’amor per aquela aglomeracion e sos ciutadans, en disent que i aviá pas qu’eles dins sa vida”, çò diguèt. Olivier precisèt: “Un an e mièg pus tard, lo veson a far la meteissa declaracion a Barcelona. Pensi que i a de lor part una granda decepcion”.
Valls recebèt una larga reconeissença de l’assemblada francesa, malgrat que sos èx-camaradas socialistas e lo grop de La França Insomesa de Jean-Luc Mélenchon se planguèsson del tractament preferencial que l’aguèt Valls.
“França vos serà totjorn reconeissenta”
Tant lo president de l’Assemblada coma lo primièr ministre, Édouard Philippe, soslinhèron la gestion de Valls durant los atemptats terroristas de 2015. “França vos serà totjorn reconeissenta”, çò diguèt Philippe a Valls
“Santa desliurança”
Los deputats de La França Insomesa (FI) a l’Assemblada prenguèron comjat de Manuel Valls en mostrant de plancardas que disián “bon débarras”, una expression francesa que vòl dire “santa desliurança”. La còla de Mélenchon afichèron aquelas plancardas al moment que lo president de la cambra e los deputats de la Republica en Marcha li fasián una ovacion per dire adieu a l’èx-primièr ministre socialista francés. Valls quita lo parlament per se presentar a las eleccions municipalas de Barcelona.
Jean-Luc Mélenchon, president de La França Insomesa, partegèt l’imatge suls rets socials. Puèi diguèt als mèdias que Valls aviá rendut “un grand servici a la drecha dins la mesura qu’aviá destruch l’esquèrra governamentala”.
Quita França “amb lo quitran e las plumas”
Tanben son ancian camarada de partit, Olivier Faure, jutgèt dimenge passat que Valls quitava França “amb lo quitran e las plumas”.
Segon Le Point, Faure se recordèt qu’al moment de las primàrias de la drecha, a la fin de 2016, l’èx-primièr ministre francés “aviá fach a Évry una declaracion d’amor per aquela aglomeracion e sos ciutadans, en disent que i aviá pas qu’eles dins sa vida”, çò diguèt. Olivier precisèt: “Un an e mièg pus tard, lo veson a far la meteissa declaracion a Barcelona. Pensi que i a de lor part una granda decepcion”.
Manuel #Valls s'en va : #BonDébarras ! #DirectANpic.twitter.com/2tvh3HsQbx
— Jean-Luc Mélenchon (@JLMelenchon) 2 d’octubre de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La politica francesa l'aviá ja quitat abans... Ciutadans l'an prés, com parla catalan e le sacaràn se ganha pas.
Lo Valls a tota la finança darrièr el: la banca, las multinacionalas. Se cal mesfisar. Aurà de sòuses a bodre e tot serà "legal" perdequé son pas los jutges venduts a l'ideologia ultraliberala e espanholistas destimborlats que ficaràn lo nas dins lo finançament de la campanha. Avèm ben nosautres d'exemples, emai dels gròsses, de campanhas financiadas ilegalament e dont los beneficiaris son pas estats invalidats. Òc, òc, podètz montar fins a l'Eliseu* e parli pas solament de uèi.
*Benlèu perque es mai facile de tornar far votar per un deputat que per un president de la Republica. Imaginatz qu'en 2007 aguèsson dich: los comptes de campanha de Paul Bismuth son pas acceptats, cal tornar votar el president.
Me referesc a la tomba politica, al fracàs que tendrà políticament, e que representarà haver d'abandonar per sempre la política, pels mals resultats que traurà. Ben segur que serà pas lo batle de Barcelona.
"Bon debarras" deua voler dire que nos havem desembarasat d'el d'una vegada. Manuel lo centralista nazi ignorant qu'es mou per l'oportunisme dels diners, fotrà un ridicul gros a Barcelona que serà sa tomba.
Un pete de tot aquel mond que fan la guèrra.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari