Actualitats
Trebolum al govèrn francés après la demission del ministre Collomb
La demission del ministre de l’Interior arriba a un moment que la popularitat de Marcon quita pas de davalar. Collomb vòl pas qu’aquela marrida reputacion afècte sas aspiracions al pòst de cònsol màger de Lion en 2020
Lo president francés, Emmanuel Macron, comença d’èsser aclapat de demissions e de crisis de govèrn. E mai dimars passat refusèsse d’acceptar la demission de son ministre de l’Interior e pairin politic, Gérard Collomb, l’endeman dimècres la deguèt acceptar.
Mentretant, la carga de ministre de l’Interior la prendrà provisòriament lo quite primièr ministre, Édouard Philippe. Los mèdias franceses especulan sus Gérald Darmanin, ministre dels comptes publics, coma eventual remplaçant de Collomb.
La demission de Collomb arriba a un moment que la popularitat de Marcon quita pas de davalar. L’èx-ministre vòl pas qu’aquela marrida reputacion afècte sas aspiracions al pòst de cònsol màger de Lion en 2020.
Collomb èra un dels politicians pus influenciaires del Partit Socialista, e puèi venguèt un dels pus grands defensors de la carrièra presidenciala de Macron. Ça que la, dins los darrièrs meses los dos òmes an agut de desacòrdis. La rompedura entre los dos politicians comencèt amb l’escàndol d’Alexandre Benalla, un cap de la seguretat de Macron acusat d’aver agarrit de manifestants amb un unifòrme de policièr lo 1r de mai passat.
Collomb a tanben criticat publicament Macron e sa còla de govèrn en lor reprochant lor manca d’umilitat e d’èsser pas capables d’escotar lo mond.
La demission de Collomb succedís a la de Nicolas Hullot, en agost passat, qu’èra alavetz ministre de l’ecologia. Aqueste èra lo membre pus popular del govèrn de Philippe e demissionèt en assolidant: “Me vòli pas pus mentir”, decebut de l’incapacitat de cambiar “lo modèl dominant liberal que destrutz l’environament”. En mai d’aquò, Hullot anoncièt sa demission als mèdias abans de n’avertir Macron.
Mentretant, la carga de ministre de l’Interior la prendrà provisòriament lo quite primièr ministre, Édouard Philippe. Los mèdias franceses especulan sus Gérald Darmanin, ministre dels comptes publics, coma eventual remplaçant de Collomb.
La demission de Collomb arriba a un moment que la popularitat de Marcon quita pas de davalar. L’èx-ministre vòl pas qu’aquela marrida reputacion afècte sas aspiracions al pòst de cònsol màger de Lion en 2020.
Collomb èra un dels politicians pus influenciaires del Partit Socialista, e puèi venguèt un dels pus grands defensors de la carrièra presidenciala de Macron. Ça que la, dins los darrièrs meses los dos òmes an agut de desacòrdis. La rompedura entre los dos politicians comencèt amb l’escàndol d’Alexandre Benalla, un cap de la seguretat de Macron acusat d’aver agarrit de manifestants amb un unifòrme de policièr lo 1r de mai passat.
Collomb a tanben criticat publicament Macron e sa còla de govèrn en lor reprochant lor manca d’umilitat e d’èsser pas capables d’escotar lo mond.
La demission de Collomb succedís a la de Nicolas Hullot, en agost passat, qu’èra alavetz ministre de l’ecologia. Aqueste èra lo membre pus popular del govèrn de Philippe e demissionèt en assolidant: “Me vòli pas pus mentir”, decebut de l’incapacitat de cambiar “lo modèl dominant liberal que destrutz l’environament”. En mai d’aquò, Hullot anoncièt sa demission als mèdias abans de n’avertir Macron.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ara s'acosta lo 12 d'octobre que Cristòfol Colom descobrí America, aqueste ministre Colomb son linatge es Occitan e es molt semblant al gan navegat, català en un sentit ampli de la paraula, tant pot ser de las Balears, del País Valencià ,Catalunya Nord, Montpelher ,o de los territoris que depenien de la Corona Catalano-Aragonesa coma Sicília, Cerdenya, Napols o que ho havien estat coma Provença.
Intrigas e enfadas de palàs a co de la parisencalha. De que cambia per nosautres occitans ? Pas res.
Los jarris atacan a quitar la nau… Cu serè lo seguent ?
Voliái dire caval !!!
#1 Lo problèma es que la majoritat dels franceses vòlon elegir un rei republican. Als franceses lor agrada la monarquia republicana. Se pòt pas cambiar un ase en cabal !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari