Actualitats
Itàlia: an arrestat lo cònsol màger de Riace per aculhir de refugiats
Dins los darrièrs meses Domenico Lucano s’es afrontat amb Matteo Salvini pel blocatge de l’argent public destinat als projèctes d’aculhença
Lo cònsol màger de Riace, un vilatge de Calàbria, l’an arrestat e assignat a residéncia. Domenico Lucano l’acusan de favorir l’immigracion illegala per aver aculhit e emplegat de refugiats.
Mai concretament, Lucano e sa femna son acusats de “violar qualques nòrmas per obténer de documents per fin que los migrants pòscan demorar en Itàlia”. Lo ministèri public explica que respond a una enquèsta de la “gestion dels fonzes del ministèri de l’Interior e de la delegacion del govèrn de Reggio Calabria dins la comuna de Riace per l’aculhença de refugiats e de demandaires d’asil politic”.
Dins los darrièrs meses, Lucano s’es afrontat amb Matteo Salvini, lo ministre de l’Interior conegut per sas politicas xenofòbas dont lo blocatge de l’argent public destinat als projèctes d’aculhença.
Lo cònsol màger, totun, defend que l’immigracion a salvat lo vilatge que patissiá un grèu problèma de despoblament, e que lo modèl d’aculhença de Riace a virat pel Mond.
D’efièch, los ostals abandonats de Riace son estats restaurats amb de fonzes europèus e ara i demòran de refugiats e migrants qu’an creat d’obradors artesanals e de restaurants. Lo vilatge a recuperat son escòla mairala e una escòla ont s’ensenha divèrsas lengas.
Ne fa resson un documentari del realizaire alemand Wim Wenders, entitolat Il Volo. E mai, en 2016 la revista Forbes mençonava Domenico Lucano dins la lista dels 40 majorals mondials pus influents.
Mai concretament, Lucano e sa femna son acusats de “violar qualques nòrmas per obténer de documents per fin que los migrants pòscan demorar en Itàlia”. Lo ministèri public explica que respond a una enquèsta de la “gestion dels fonzes del ministèri de l’Interior e de la delegacion del govèrn de Reggio Calabria dins la comuna de Riace per l’aculhença de refugiats e de demandaires d’asil politic”.
Dins los darrièrs meses, Lucano s’es afrontat amb Matteo Salvini, lo ministre de l’Interior conegut per sas politicas xenofòbas dont lo blocatge de l’argent public destinat als projèctes d’aculhença.
Lo cònsol màger, totun, defend que l’immigracion a salvat lo vilatge que patissiá un grèu problèma de despoblament, e que lo modèl d’aculhença de Riace a virat pel Mond.
D’efièch, los ostals abandonats de Riace son estats restaurats amb de fonzes europèus e ara i demòran de refugiats e migrants qu’an creat d’obradors artesanals e de restaurants. Lo vilatge a recuperat son escòla mairala e una escòla ont s’ensenha divèrsas lengas.
Ne fa resson un documentari del realizaire alemand Wim Wenders, entitolat Il Volo. E mai, en 2016 la revista Forbes mençonava Domenico Lucano dins la lista dels 40 majorals mondials pus influents.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dinc trenta ans, aquelos serán descorats coma o seguèron los Justes de la segonda guerra mondiala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari