Una partida importanta de la fortuna personala del president estatsunidenc, Donald Trump, vendriá de practicas fiscalas dobtosas e, dins qualques cases, fraudulosas, çò rapòrta The New York Times, après far una enquèsta sus las declaracions de revenguts e sus d’autres documents de Trump.
 
En mai d’aquò, lo jornal tanben rapòrta que Trump recebèt de son paire una fortuna equivalenta a 413 milions de dolars, que lo president auriá obtenguda en ajudant a sos parents a evitar d’impòstes.
 
Una de las causas que las revèla l’enquèsta de The New York Times es que Trump creèt amb sos fraires una entrepresa fictícia per amagar de milions de dolars sortits dels comptes dels parents. En mai d’aquò, sosavalorèron los actius de l’afar immobilièr de son paire quand aguèron eiretat d’el. Atal, en 1997 Trump declarèt aver de proprietats immobilièras per una valor de 41,4 milions de dolars, que vendèt pus tard amb una valor multiplicada per setze.
 
Segon The New York Times, lo president estatsunidenc a refusat dins las darrièras setmanas de parlar d’aquelas informacions. Si que i a una responsa d’un dels avocats de Trump, qu’assegura que las acusacions de “frauda e evasion fiscala son falsas al 100%”. De son caire, l’Ostal Blanc ditz que tot es regularizat, que las acusacions son falsas e que parlar del paire de Donald Trump “es trist” car moriguèt fa gaireben 20 ans.
 

President Trump has sold himself as a self-made billionaire but a Times investigation found that he received more than $400 million from his father’s empire, much of it through dubious tax schemes during the 1990s, including instances of outright fraud. https://t.co/CciVkq5mDU

— The New York Times (@nytimes) 2 d’octubre de 2018

 
 

On Nov. 22, 1997, in an episode never before revealed, Donald Trump and his siblings gained ownership of most of their father’s empire. https://t.co/SAGfDh1Ec4pic.twitter.com/KRHVXVDCke

— The New York Times (@nytimes) 2 d’octubre de 2018