Actualitats
D’eurodeputats de 15 païses an revendicat la liberacion dels presonièrs politics catalans
Una quarantena de deputats, dont l'occitan José Bové o l’alemanda Rebecca Harms, an seguit l’iniciativa dins una sesilha a Estrasborg
Una quarantena d’eurodeputats d’una quinzena d’estats membres e de quatre grops parlamentaris europèus portèron de camisetas auriòlas per revendicar la libertat dels presonièrs politics catalans durant la sesilha del 3 d’octòbre passat. Al moment que s’entamenava lo vòte, eles comencèron de mostrar las camisetas e d’afichas amb de messatges per la libertat dels politics catalans independentistas encarcerats per la justícia espanhòla.
Demest los eurodeputats qu’an seguit l’iniciativa podèm remarcar l’occitan José Bové, l’alemanda Rebecca Harms e l’èx-ministre eslovèn dels afars exteriors e president de la Plataforma Dialòg UE-Catalonha Ivo Vajgl. D’autres eurodeputats de païses coma Itàlia, lo Reialme Unit, França, Alemanha e Àustria participèron tanben a l’accion, promoguda per d’eurodeputats catalans.
Demest los eurodeputats qu’an seguit l’iniciativa podèm remarcar l’occitan José Bové, l’alemanda Rebecca Harms e l’èx-ministre eslovèn dels afars exteriors e president de la Plataforma Dialòg UE-Catalonha Ivo Vajgl. D’autres eurodeputats de païses coma Itàlia, lo Reialme Unit, França, Alemanha e Àustria participèron tanben a l’accion, promoguda per d’eurodeputats catalans.
The Strasbourg plenary is yellow today calling for the release of #Catalan political prisoners #FreeRomeva#FreeJunqueras#FreeThemAllpic.twitter.com/IDOWWBUKW8
— EU-Catalonia Dialogue Platform (@EUCat_Dialogue) 3 d’octubre de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una polida vision de camisetas grogas al Parlament Europeu. Fins quan aqueste horror qu' entamena lo fanquisme a l'estat ?
Quaranta deputats, ni de mai ? Ieu tanben seriái plan curiós de conéisser la tièra complèta, amb la color politica de cadun… Los autres deputats me semblan tant engatjats per las valors democraticas coma o foguèron los elegits del Front Populars entre 1936 e 1939, en favor de la Democracia en Catalunya, Euskadí e Espanha…
Lo José Bové totjorn bravament engatjat... li tire un còp mai lo chapèlh ! Pasmens sèi franc curiós de saubre quaus son los autres deputats francés que lai participèron, que segur se'n parlèt gaire dinc los jornaus de l'Estat francés. Ne'n sabetz mai ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari