La logica es pas estada respectada d’a fons dins las mièjas finalas de Superliga, alara que lo XIII de França lançava sus de bonas basas la tièra dels rescontres internacionals de la tardor.
St Helens o lo malefici de las mièjas finalas
Ongan, Saint Helens s’es passejat dins la fasa de classament. An benlèu baissat de ritme dins lo Super-8 qu’èran quasi assegurats d’èsser qualificats per las mièjas finalas tre l’entamaneda.
Se faguèron susprene a Bolton pels Dragons Catalans en estat de gràcia en mièja finala de la Cup. Dijòus, pel compte de la mièja finala de Super-Liga, recebián los quatrens del classament: los Lops de Warrington. La partida foguèt sarrada: 3-2 pels Sants a la pausa. En fin de match, doas paumas escartadas sus las alas e dos ensages permeton als Lops de se qualificar per la finala 18-13.
Lo divendres, a Wigan, la partida prenguèt jamai d’ample tant los Tigres de Castleford avián las urpas en dedins. Wigan mestregèt lo rescontre per ganhar 14-0 e assegurar una cinquena participacion en sièis ans al rendètz-vos d’Old Trafford.
Bon, Wigan es lo favorit logic, mas los Lops de Warrington an gaire enveja de pèrdre una segonda finala ongan (aprèp la Cup contra Perpinhan). Partida dissabte en fin de vèspre (retransmesa per BeInSport).
Londres en Superliga
Los Dragons auràn pas lo viatge cap a l’America del Nòrd de faire l’an que ven. Dins una partida tancada, es sus una marca a l’anciana e sens cap d’ensag: 4-2, doas penalitats a una) que Londres, amb lo talonaire de Fenolhedés Eloi Pelissièr, es sortit venceire de la partida de barratge a Toronto. Atal, los londinencs tornaràn trapar los afrontaments de Superliga en 2019, coma, de son costat, Bradford torna trapar lo Championship.
França lança la sason internacionala
Dimenge, una esquipa de França, formada de jogaires d’Elèit 1, afrontava Serbia a Belgrad. En prepausant de jòc, los Blaus ganhèron largament: 54-2.
Ara, amb l’apòrt de Dragons e tolosans, es la partida contra Anglatèrra a Leigh que s’anóncia (dimècres 17) per preparar los tres afrontaments de la Copa d’Euròpa contra Galas (27/10, Carcassona), Irlanda (3/11, Baile Atha Cliath) e Escòcia (10/11, Carcassona).
Elèit 2: los catalans prenon la direccion
En Elèit 2, lo campion Vilagalhenc-Argon se fa susprene sus son èrba pels Lops de Vilafranca: 16-19. Doas formacions catalanas Baò (victòria 38-18 contra Entraigas) e Pià (victòria a Tolon: 25-16) prenon lo cap del classament amb una tresena victòria.
Elèit 1: la rintrada a Carcassona
Aqueste dimars 9, a 7 oras del vèspre, jol tibanèl de l’estadi Domèc, Carcassona-XIII (novèla denominacion del club) presentarà sos objectius, son novèl grop de dirigents e los jogaires que portaràn las colors jaune e negre aquesta sason.
Alan Roch
St Helens o lo malefici de las mièjas finalas
Ongan, Saint Helens s’es passejat dins la fasa de classament. An benlèu baissat de ritme dins lo Super-8 qu’èran quasi assegurats d’èsser qualificats per las mièjas finalas tre l’entamaneda.
Se faguèron susprene a Bolton pels Dragons Catalans en estat de gràcia en mièja finala de la Cup. Dijòus, pel compte de la mièja finala de Super-Liga, recebián los quatrens del classament: los Lops de Warrington. La partida foguèt sarrada: 3-2 pels Sants a la pausa. En fin de match, doas paumas escartadas sus las alas e dos ensages permeton als Lops de se qualificar per la finala 18-13.
Lo divendres, a Wigan, la partida prenguèt jamai d’ample tant los Tigres de Castleford avián las urpas en dedins. Wigan mestregèt lo rescontre per ganhar 14-0 e assegurar una cinquena participacion en sièis ans al rendètz-vos d’Old Trafford.
Bon, Wigan es lo favorit logic, mas los Lops de Warrington an gaire enveja de pèrdre una segonda finala ongan (aprèp la Cup contra Perpinhan). Partida dissabte en fin de vèspre (retransmesa per BeInSport).
Londres en Superliga
Los Dragons auràn pas lo viatge cap a l’America del Nòrd de faire l’an que ven. Dins una partida tancada, es sus una marca a l’anciana e sens cap d’ensag: 4-2, doas penalitats a una) que Londres, amb lo talonaire de Fenolhedés Eloi Pelissièr, es sortit venceire de la partida de barratge a Toronto. Atal, los londinencs tornaràn trapar los afrontaments de Superliga en 2019, coma, de son costat, Bradford torna trapar lo Championship.
França lança la sason internacionala
Dimenge, una esquipa de França, formada de jogaires d’Elèit 1, afrontava Serbia a Belgrad. En prepausant de jòc, los Blaus ganhèron largament: 54-2.
Ara, amb l’apòrt de Dragons e tolosans, es la partida contra Anglatèrra a Leigh que s’anóncia (dimècres 17) per preparar los tres afrontaments de la Copa d’Euròpa contra Galas (27/10, Carcassona), Irlanda (3/11, Baile Atha Cliath) e Escòcia (10/11, Carcassona).
Elèit 2: los catalans prenon la direccion
En Elèit 2, lo campion Vilagalhenc-Argon se fa susprene sus son èrba pels Lops de Vilafranca: 16-19. Doas formacions catalanas Baò (victòria 38-18 contra Entraigas) e Pià (victòria a Tolon: 25-16) prenon lo cap del classament amb una tresena victòria.
Elèit 1: la rintrada a Carcassona
Aqueste dimars 9, a 7 oras del vèspre, jol tibanèl de l’estadi Domèc, Carcassona-XIII (novèla denominacion del club) presentarà sos objectius, son novèl grop de dirigents e los jogaires que portaràn las colors jaune e negre aquesta sason.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari