capçalera campanha

Actualitats

InternacionalPoliticaSocietat

De manifestacions en Occitània tota e endacòm mai en sosten a l’Aquarius

Lo collectiu marselhés SOS Mediterranèa cridèt a manifestar per Euròpa tota per denonciar “l’inaccion criminala” dels govèrns

| @ajplusfrancais
Las principalas vilas d’Euròpa manifestèron dissabte passat en sosten del vaissèl Aquarius, e de las operacions de salvament en mar Mediterranèa. Los manifestants seguissián la crida de SOS Méditerranée que demandava a totes los estats d’Euròpa de far respectar lo dever d’assisténcia a las personas en perilh en mar e d’assumir lors responsabilitats estatalas en establissent un vertadièr modèl de salvament. Las molonadas demandèron un pabalhon per l’Aquarius per que poguèsse menar d’operacions de socors sens èsser perseguit, e denoncièron “l’inaccion criminala” dels govèrns europèus.
 
“I a pas res de mai silenciós qu’un òme que se nèga. Nòstra tòca es uèi de far de rambalh”, çò explicava una benevòla de SOS Mediterranèa als mèdias de Montpelhièr.
 
A Marselha, unas 3500 personas s’acampèron al Pòrt Vièlh, ont se tròba amarrat l’Aquarius. A Montpelhièr èran aperaquí dos milièrs. SOS Mediterranèa aviá apelat a manifestar dins mai d’una vila d’Occitània: Bordèu, Marselha, Moans e Sartòu, Montpelhièr e Tolosa. Tanben i aguèt de manifestacions dins divèrsas vilas arpitanas coma Lion, Grenòble e Sant Estève; de Bretanha coma Brest, Kemper, Konk-Kerne, Montroulez, Nantas e Roazhon; e d’autras vilas d’Euròpa coma Berlin, Brussèlas, Madrid, Palèrme, París e Valéncia.
 
A mai, de collectius ciutadans avián cridat a manifestar dins un fum de vilas de l’estat francés. En Occitània i aguèt d’acamps a Avinhon, Biàrritz, Briançon, Caors, Carcassona, Mende, Milhau, Narbona, Nimes e lo Puèi de Velai. De mençonar lo recampament de Calais, ont un centenat de personas manifestèron malgrat que la comuna aguèsse enebit la protèsta.
 
Dempuèi lo començament de las operacions de l’Aquarius, en febrièr de 2016, la nau a salvat 29 500 personas en aperaquí 200 operacions de socors.
 
 

 

 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Lo raiòu Cevenas
13.

#12 Òu ! "Lo Filh del Paire" ?!
Perdon, Senhor, que vos ai pas coneissegut. Mès de qué çai venètz faire dinc Jornalet ?
A... Davalar au mitan dals òmes per lurs escriure vòstras pensadas...
Mès... savètz, fasiá pas besonh que vos desplacessiatz per nos pondre vòstra teoria dau "fenomèn". Vos solet, ne'n sètz un adejà !

  • 2
  • 15
Manas Roquetianas
12.

#10 Perdut, pauròt ! Era pas lo Max, ma bona raiòla, mas l'Ives. Alara, contenta ?

  • 34
  • 3
Lo raiòu Cevenas
11.

#10 Autrament, pòde vos ofrir la version occitana escricha d'aquestas doas cançons. En esclusivitat dinc Jornalet ! Segur que las farai a gràtis per vautres. Normau, entre fraires. N'avètz d'astre, savètz...

Onte vos mande tot aquò, Mossur "pjm" ? A "Rive Gauche" a París ? Es bien aquò ?
E vos, Mossur "Manas Roquetianas" o Max Roqueta - save pas pus - a "Esplanada de Verd Paradís", quartièr de "M'as-colhonat-quand-t'ai-vist" dinc la comuna de Sant Pèire-Las Claus ? Es bien aquò ? ;-)))

  • 10
  • 33
Lo raiòu Cevenas
10.

#9 Aquí òi ! Avètz bravament rason, vos mai. Jornalet deuriá s'enterrojar sus aquel fenomèna de rencarnacion de Max Roqueta.
Sèm mai d'un que nos agradariá de recontrar lo que s'escais-nomma "Manas Roquetianas"...

A ! La jutgenalha autoproclamada ! Politologalha espepissarèla de la sensibilitat politica dals autres sans saupre res de la vida dals autres. En mai d'aquò, se prénon au seriós !
Finalament, après los Robespierre e los Mélenchon, avèm ara Max Roqueta en viu, en dirècte ! Fant de lop ! L'arrestem pas lo progrès.

E ben ! Auriái ben cantat "La Marseillaise" o "Maréchal, nous voilà !" per conclurre en beutat mon chap d'òbra literari. Mès cranhisse de los far biscar. Chut ;-)))
Braves legeires, vos dise d'una que plore pas davant mon ordinator ! ;-)))

  • 5
  • 27
Manas Roquetianas
9.

#6 Avètz bravament rason. Jornalet devria s'interrogar sus aquel fenomen.

  • 42
  • 11

Escriu un comentari sus aqueste article