Actualitats
Vilhèra: qu'an abordat la question deus refugiats en Bearn e en Armanhac
Qu’estó soslinhada l’urgéncia de la situacion de tots los demandaires d’asil, especiaument los de l’ancian Centre d’Arcuelh e d’Orientacion de Betereta a Gelòs
Lo 6 d’octobre passat, a la sala Robert de Lacaze a Vilhèra (Palés), un centenat de personas qu’an responut presents a la serada solidària organizada peu collectiu Des Hommes Avant Tout (Òmes Abans Tot). La serada que debutè a l’entorn de 19h dab cortmetratges sus la question deus shens-papèrs (Shens Papèrs e Triste ei lo cèu) seguit d’un debat dab los realizaires e lo collectiu, qui s’ei perlongat pendent ua òra e mieja. Mei d’ua associacion atau com RESF 32 qu’èran presentas a l’eveniment.
La question deus refugiats en Bearn e en Armanhac qu’estó abordada dab bons escambis d’experiéncias pertocant los shens-papèrs. En la serada, qu’estó soslinhada l’urgéncia de la situacion de tots los demandaires d’asil, especiaument los de l’ancian Centre d’Arcuelh e d’Orientacion de Betereta a Gelòs (Palés). En efèit, un gran nombre que’s tròba privat deus magres 6,80 èuros per dia qui son un dret. Quitament arron aver obtienut aqueth dret au Tribunau Administratiu de Pau, l’OFII (organisme pagador) qu’arrefusa de’us balhar aquera petita soma. Los demandaires d’asil que son tostemps a la recèrca de lotjament, dret qui ei egaument arrefusat.
Las condicions d’arcuelh en los PRAHDA qu’estón descriutas tanben (haut o baish 9m² entà duas personas, seguit hèra limitat, etc.) e sustot l’extrèma precarietat deus non-adultes isolats, qui’s tròban per carrèra e a qui la PAF (Polícia deus Aires e de las Frontèras) e’us tira los papèrs balhats per la Prefectura acusant-los d’aver mei que 18 ans, fenomèn engüeishós dab l’ivèrn qui vien. La serada que s’ei totun perseguida dab estrambòrd au parat deus concèrts e a l’entorn d’un veire e d’un repaish solidaris. Los hons recoltats que serviràn a contribuir au finançament de las proceduras administrativas (corrics recomandats, desplaçaments entà Bordèu e París, etc.) e la viòca.
Lo collectiu qu’arremerceja totas las personas qui an ajudat au bon debanar de las manifestacions: la mairia de Vilhèra, Art’òc, Tsijahmba, Noubalòtcha, Crestian Josuèr e los hrairs Espinasse… e que balha rendetz-vos en los futurs eveniments entà ahortir la solidaritat que los demandaires d’asil se meritan.
Collectiu Des Hommes Avant Tout
La question deus refugiats en Bearn e en Armanhac qu’estó abordada dab bons escambis d’experiéncias pertocant los shens-papèrs. En la serada, qu’estó soslinhada l’urgéncia de la situacion de tots los demandaires d’asil, especiaument los de l’ancian Centre d’Arcuelh e d’Orientacion de Betereta a Gelòs (Palés). En efèit, un gran nombre que’s tròba privat deus magres 6,80 èuros per dia qui son un dret. Quitament arron aver obtienut aqueth dret au Tribunau Administratiu de Pau, l’OFII (organisme pagador) qu’arrefusa de’us balhar aquera petita soma. Los demandaires d’asil que son tostemps a la recèrca de lotjament, dret qui ei egaument arrefusat.
Las condicions d’arcuelh en los PRAHDA qu’estón descriutas tanben (haut o baish 9m² entà duas personas, seguit hèra limitat, etc.) e sustot l’extrèma precarietat deus non-adultes isolats, qui’s tròban per carrèra e a qui la PAF (Polícia deus Aires e de las Frontèras) e’us tira los papèrs balhats per la Prefectura acusant-los d’aver mei que 18 ans, fenomèn engüeishós dab l’ivèrn qui vien. La serada que s’ei totun perseguida dab estrambòrd au parat deus concèrts e a l’entorn d’un veire e d’un repaish solidaris. Los hons recoltats que serviràn a contribuir au finançament de las proceduras administrativas (corrics recomandats, desplaçaments entà Bordèu e París, etc.) e la viòca.
Lo collectiu qu’arremerceja totas las personas qui an ajudat au bon debanar de las manifestacions: la mairia de Vilhèra, Art’òc, Tsijahmba, Noubalòtcha, Crestian Josuèr e los hrairs Espinasse… e que balha rendetz-vos en los futurs eveniments entà ahortir la solidaritat que los demandaires d’asil se meritan.
Collectiu Des Hommes Avant Tout
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que non se preocupen,se necessitan man d'obra, que los agafen. Mas se non hi ha trabalh e encara los emigrants posen les causes mai dificils als d'allà. Doncs s'els diu que non n'hi ha de trabalh.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari