capçalera campanha

Actualitats

EconomiaPoliticaSocietat

Mobilizacion contra las politicas de destruccion sociala

Dimars passat, tot l’estat francés se mobilizèt contra las politicas economicas e socialas de Macron

L’estat francés visquèt dimars passat, 9 d’octòbre, una jornada de cauma e de mobilizacions que toquèt tanben la màger part d’Occitània. Los sindicats CGT, FSU e FO, e las organizacions UNÈF e UNL, cridèron los trabalhadors, los estudiants e los liceans a una jornada generala contra la politica sociala de Macron. E mai, se protestèt contra las politicas inflexiblas del govèrn francés, que ten la majoritat absoluda a l’Assembla Nacionala francesa, contra lo blocatge dels salaris, contra la mesa en concurréncia dels foncionaris amb de salaris “al meriti”... 
 
Las manifestacions engatgèron a l’entorn de 300 000 personas dins tot l’estat. Las pus nombrosas a París.

 
 

 

 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
5.

Brava manifestacion contra Macona e sas messorgas per enganhar lo poble.

  • 3
  • 0
Enric Mala Tèsta
4.

#3 Efectivament ! As plan rason ! Per ieu, LO pòble, aquò es pas que fum de cap ! Non i a pas que DE pòbleS, al plural. E los pòbles non son pas los estats, ja que tantes pòbles i a, sense estat per los defendre…

  • 5
  • 0
Mèfi ! 31
3.

#2 " tot l'estat francés se mobilizèt contra las politicas de Macron"
Se lègi plan e vos sègui, l'estat se mobiliza contra le president, que le pòble e l'estat, es parièr.
Amb'aquò, l'anarquisme contèsta l'Estat, e le mobiliza pas per manifestar, çò'm par.
D:

  • 1
  • 3
Enric Mala Tèsta
2.

#1 Occitania es lo país de la lenga occitana. França es lo país que sempre s'i parlèt francés despuèi que non s'i parla mai latin. Per diferénciar França d'Occitania, que son dos países deiferents definits per doás lengas diferentas, qué mai nos conselhatz d'utilisar per designar l'estat autoritari que, actualament, impausa l'ultraliberalisme, que la populacion aja votat majoritàriament a dreita o a esquèrra, que qu'a programat tranquillament l'esfaçament de 8 lengas diferentas del francés subre l'ensemble de son territòri estatal ? Dire o daissar entendre que Tolosa es en país de França nos servís gaire mièlhs Occitania que de senhalar qu'Occitania es en partida gerida per l'estat francés…

Autre punt, per l'autor de l'article, la CNT, sindicat anarquista, apelava tanben a la greva e a la manifestacion.

  • 6
  • 2
Mèfi! 31
1.

Estat francés o França ?

Es d'usatge general d'emplegar le nom del païs per l'espaci geografic official, contestat o non, e per Estat l'autoritat politica d'un païs.
En mai d'aquò, Estat francés designa especificament le regime autoritari de França sud, pendent l'ouccupacion alemanda.
Aquella expression es equivòca e sèrve pas necessàriament l'occitanisme.

  • 2
  • 6

Escriu un comentari sus aqueste article