Una portanèla del mur metallic que separa los Estats Units de Mexic se dobriguèt dissabte passat durant tres minutas a la frontièra exacta entre Ciudad Juárez e Sunland Park, çò rapòrta Reuters. D’un costat e l’autre d’aquela barralha de cinc mètres de nautor s’amassavan mai de tres mila personas qu’esperèron qualques oras per tornar veire durant qualques minutas de parents que vesián pas dempuèi longtemps.
 
Lor foguèt permés de se veire durant sonque tres minutas, un temps plan cort tot plen d’abraçadas e de lagremas. I aviá de parents que toquèron lors enfants, de fraires e sòrres que se vesián pas dempuèi longtemps, de familhas separadas per una barralha que devesís dos Monds.
 
L’eveniment, apelat “D’abraçadas, non pas de murs”, foguèt una iniciativa de l’organizacion umanitària Border Network for Human Rights que trabalha dels dos costats de la frontièra e denóncia “lo racisme e la xenofobia de las politicas migratòrias dels Estats Units e de l’administracion Trump”.
 
Es lo cinquen còp que los organizaires de l’iniciativa obtenon la permission del govèrn estatsunidenc per dobrir la barralha durant qualques minutas e permetre lo rescontre. Fins ara, las familhas se rescontravan sus las ribas del flume Río Grande, mas aqueste còp los organizaires an reüssit a o far al bèl mièg de la barralha.

 
 

 

Momentos que marcan una vida. Abrazos que unen los corazones de las familias a través del tiempo.#HugsNotwalls#AbrazosNoMurospic.twitter.com/HljCMXQbBj

— Ulises Garcia (@ulisesgarciatw) 14 d’octubre de 2018

 

Por 5’ y x una acción de la ONG #AbrazosNoMuros, 300 familias se pudieron reunir en la frontera entre #Juarez#Mexico y #Texas#EEUU

En 2018 parece mentira, pero es real
Parece locura, pero es tremenda crueldad

El muro no es la solución @realDonaldTrump, Ud. lo sabe.@amnestypic.twitter.com/FlucHfsHyS

— Lucía Ballesteros (@_luciacarolin) 14 de maig de 2018