Actualitats
Lo papa Francés a canonizat Óscar Romero e Pau VI
Dins la ceremònia de canonizacion, lo pontife lausèt l'engatjament e l'atencion dels dos nòus sants envèrs los paures
Lo papa Francés canonizèt dimenge dos personatges engatjats de la Glèisa catolica, l'archevesque de San Salvador, Monsénher Óscar Romero, assassinat en març de 1980 per un grop paramilitar d'ultradrecha mentre que disiá la messa, e lo papa Pau VI, motor del IId concili ecumenic del Vatican, mòrt en 1978.
Dins la ceremònia de canonizacion, sus la plaça de Sant Pèire del Vatican, lo pontife lausèt l'engatjament e l'atencion dels dos nòus sants envèrs los paures
Sant Romero d'America, evesque martir
Óscar Romero l’apelavan “l'evesque dels paures”. Lo fusilhèron al pitre mentre que disiá la messa a causa de sa defensa dels dreches umans davant la tirania dels govèrns militars. En mai d’èsser designat ara coma Sant Romero d'America, la Glèisa Luteriana Evangelica d'America se recòrda d’el coma d’un martir.
En agost de 1978, Monsénher Romero publiquèt una letra pastorala ont defendiá lo drech del pòble a s'organizar e reclamar sos dreches. Lo 23 de març de 1980, un jorn abans son assassinat, demandèt publicament a l'armada que quitèsse de tuar “sos fraires, lo quite pòble”.
Lo nom de Sant Romero d'America lo popularizèt l'activista de la Teologia de la Liberacion catalan, Pere Casaldàliga, evesque de São Félix do Araguaia en Brasil.
Sant Pau VI, arquitècte del IId concili ecumenic del Vatican
Nascut Giovanni Battista Enrico Antonio Maria Montini, Paul VI foguèt lo 262n papa de la Glèisa catolica, entre los ans 1963 e 1978. El concluguèt lo IId concili ecumenic del Vatican, començat per Joan XXIII, e defendèt la fraternitat entre las diferentas glèisas.
Dins la ceremònia de canonizacion, lo papa Francés soslinhèt que foguèt “un profèta d’una Glèisa extravertida qu'agacha los que son luènh e suènha los paures”, e que foguèt l'arquitècte del IId concili ecumenic del Vatican en capitant a véncer las reticéncias de la curia per aplicar aquelas reformas.
Dins la ceremònia de canonizacion, sus la plaça de Sant Pèire del Vatican, lo pontife lausèt l'engatjament e l'atencion dels dos nòus sants envèrs los paures
Sant Romero d'America, evesque martir
Óscar Romero l’apelavan “l'evesque dels paures”. Lo fusilhèron al pitre mentre que disiá la messa a causa de sa defensa dels dreches umans davant la tirania dels govèrns militars. En mai d’èsser designat ara coma Sant Romero d'America, la Glèisa Luteriana Evangelica d'America se recòrda d’el coma d’un martir.
En agost de 1978, Monsénher Romero publiquèt una letra pastorala ont defendiá lo drech del pòble a s'organizar e reclamar sos dreches. Lo 23 de març de 1980, un jorn abans son assassinat, demandèt publicament a l'armada que quitèsse de tuar “sos fraires, lo quite pòble”.
Lo nom de Sant Romero d'America lo popularizèt l'activista de la Teologia de la Liberacion catalan, Pere Casaldàliga, evesque de São Félix do Araguaia en Brasil.
Sant Pau VI, arquitècte del IId concili ecumenic del Vatican
Nascut Giovanni Battista Enrico Antonio Maria Montini, Paul VI foguèt lo 262n papa de la Glèisa catolica, entre los ans 1963 e 1978. El concluguèt lo IId concili ecumenic del Vatican, començat per Joan XXIII, e defendèt la fraternitat entre las diferentas glèisas.
Dins la ceremònia de canonizacion, lo papa Francés soslinhèt que foguèt “un profèta d’una Glèisa extravertida qu'agacha los que son luènh e suènha los paures”, e que foguèt l'arquitècte del IId concili ecumenic del Vatican en capitant a véncer las reticéncias de la curia per aplicar aquelas reformas.
Venezuela celebró con el pueblo de El Salvador la canonización de Monseñor Óscar Romero. ¡Sepas más! en la pagina web de tu consulado, https://t.co/WkDbCAGBxEpic.twitter.com/nVmgkCFbQ5
— Consulvenbarcelona (@consulvenb) 15 d’octubre de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Duas bonas personas que ja sabia qu' eran al cel i sants a la terra.
Se pòt repotegar perque lo Papa acompanha pas l'evolucion de las mors, mas quand prend las bonas decisions politicas avèm pas besonh de far los refastinhoses. Mr Romero foguèt assassinat tant mai facilament que "Sant Joan-Pau II" boleguèt pas lo menèl per el. Lo Papa a pas que la paraula, mas lo Wojtyla aguèsse dich quicòm, seriá pas estat tant aisit de dintrar dins la catedrala per assassinar l'avesque de Sant Salvador.
Es de remarcar que Benet XVI, tant criticat, aviá engimbrada la canonizacion dels dos novèls sants. Malgrat lors costats retrograds, los dos darrièrs papas son d'òmes apiejats sus de valors, e pas sus la comunicacion que vira amb lo vent. Lo Francés es dels pauques que tenon un discors senat sus la pauretat, la desvergonha dels ricasses, l'espleitacion bauja de la planeta e la necessitat de cambiar de manièra de viure. Los autres dirigents, coma an pas lo coratge de se donar la possibilitat de far quicòm, se contentan de refòrmas societalas en lòc de socialas. Cal remarcar que se i a encara una drecha e una esquèrra per las segondas, per las primièras demòran pas gaire de conservators. Es mai aisit de seguir lo progrès que d'ensajar de lo mestrejar per que demòre al servici de l'òme, e pas lo contrari.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari