Actualitats
Eleccions en Bavièra: revirada pels sòcis de govèrn de Merkel
La CSU pèrd sa majoritat absoluda e los socialistas la mitat de lors vòtes. L’avenir del govèrn alemand es en perilh
La CSU, lo partit conservator e aliat clau d’Angela Merkel, patiguèt dimenge passat una revirada de las duras a las eleccions bavaresas, çò qu’afeblís mai encara lo govèrn de la cancelièra alemanda. Los socialistas de l’SPD, los autres sòcis del govèrn federal, an conegut una revirada encara pus fòrta, perque an gaireben perdut la mitat dels vòtes.
L’Union Sociala-Crestiana, lo “partit fraire”en Bavièra de la CDU de Merkel, aviá costuma de ganhar largament las eleccions dempuèi los ans 1950. Aqueste còp a tornarmai ganhat mas en perdent un 12% dels vòtes en comparason amb l’eleccion de 2013, quand renovelèt sa majoritat absoluda. Ara es obligat de cercar, pel primièr còp, una aliança per governar lo land, un dels pus rics d’Alemanha.
La CSU a obtengut 85 deputats e n’a perduts 16. E l’SPD n’a obtenguts 22 e n’a perduts 20. Los dos partits de la coalicion de govèrn de Berlin, doncas, an perdut 36 deputats.
En segonda posicion son los Verds, que poirián èsser los nòus sòcis de govèrn, amb 38 deputats, 20 de mai que fins ara. La tresena plaça es pel partit de drecha independent dels Electors Liures, qu’a obtengut 25 deputats, çò es 6 de mai qu’en 2013; per tant, poiriá far partida del nòu govèrn.
En quatrena plaça son los ultradrechistas d’Alternativa per Alemanha que son intrats al parlament bavarés pel primièr còp dirèctament amb 22 deputats.
Quant als socialistas de l’SPD, son estats relegats a una umilianta cinquena posicion. Darrièr i a solament los liberals, qu’an mantengut los 12 deputats qu’avián.
Aqueles resultats meton una granda pression sus la cancelièra. Son partit, la CDU, afrontarà d’eleccions plan malaisidas lo 28 d’octòbre en Èssa, un land ont govèrna en coalicion amb los ecologistas.
L’Union Sociala-Crestiana, lo “partit fraire”en Bavièra de la CDU de Merkel, aviá costuma de ganhar largament las eleccions dempuèi los ans 1950. Aqueste còp a tornarmai ganhat mas en perdent un 12% dels vòtes en comparason amb l’eleccion de 2013, quand renovelèt sa majoritat absoluda. Ara es obligat de cercar, pel primièr còp, una aliança per governar lo land, un dels pus rics d’Alemanha.
La CSU a obtengut 85 deputats e n’a perduts 16. E l’SPD n’a obtenguts 22 e n’a perduts 20. Los dos partits de la coalicion de govèrn de Berlin, doncas, an perdut 36 deputats.
En segonda posicion son los Verds, que poirián èsser los nòus sòcis de govèrn, amb 38 deputats, 20 de mai que fins ara. La tresena plaça es pel partit de drecha independent dels Electors Liures, qu’a obtengut 25 deputats, çò es 6 de mai qu’en 2013; per tant, poiriá far partida del nòu govèrn.
En quatrena plaça son los ultradrechistas d’Alternativa per Alemanha que son intrats al parlament bavarés pel primièr còp dirèctament amb 22 deputats.
Quant als socialistas de l’SPD, son estats relegats a una umilianta cinquena posicion. Darrièr i a solament los liberals, qu’an mantengut los 12 deputats qu’avián.
Aqueles resultats meton una granda pression sus la cancelièra. Son partit, la CDU, afrontarà d’eleccions plan malaisidas lo 28 d’octòbre en Èssa, un land ont govèrna en coalicion amb los ecologistas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Au! anats a prene una bona bier a la salut del beneits que vos han votat.
Encara governarà la Mercal amb los filhets dels Verds. La mateixa colha amb diferent colhars.
Es cagant de tirar las H a causa dels gascons.
Perque pas metre de F als mots e que eles se'n carguen de fa de son H ?
Coma los portugueses que fan "u" e escrivon ben L a la fin dels mots...mas aqui per las F a la debuta.
*Èssa => Hèssa (Hessen en alemand)
*Amborg => Hamborg (Hamburg en alemand)
Espanhòl e italian servan l'ortografia alemanda e internacionala; question de respècte, de reconnoissència visuala e de liura possibilitat de realizar la H.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari