capçalera campanha

Actualitats

Politica
crotz-tolosaCreated with Sketch.GasconhaBearnPalés

Pau: an manifestat lor refús d’Éric Zemmour

Lo polemista conegut per sos prepauses racistas, sexistas e omofòbs, presentava diluns passat son darrièr libre a Pau. Libertat faguèt una crida a totes los collectius antifaissistas per mostrar lor regèt

| Libertat
L’escrivan francés Éric Zemmour, conegut per sos prepauses racistas, sexistas e omofòbs, donava diluns passat una conferéncia a Pau, ont trobèt una cinquantena de personas que li manifestèron lor refús.
 
Lo movement de l’esquèrra revolucionària occitana Libertat faguèt una crida a totes los collectius antifaissistas per mostrar lor regèt de sas “ideàs sexistas e racistas”.  L’escrivan èra al Pargue de las Exposicions de la capitala bearnesa per presentar son libre Le destin français, convidat pel grop conservator catolic del Cercle de la Providéncia.
 
Zemmour es un jornalista politic restacat a Le Figaro. Opausant afogat del neoliberalisme europèu, se declara sobeiranista francés. Mas son sos prepauses socials qu’an descadenat mai de polemica. Filh de josieus franceses d’Argeria installats près de París après l’independéncia argeriana, Zemmour se declara contra l’immigracion, lo multiculturalisme e contra lo maridatge per totes. E mai considèra que la religion islamica contraven a las valors republicanas francesas. Es tanben l’autor d’un libre contra lo feminisme entitolat Le Premier Sexe, per oposicion amb l’assag feminista Le Deuxième Sexede Simone de Beauvoir.
 
 

 

 

 

 
 
 




abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

trobat
39.

#38
Que i a quaques pècs, urosament minoritaris, hens l'occitanisme que vòtan Mélenchon.
Quan un tipe e hè 20% a ua eleccion, que seré estonant qu'en çò deus occitanistas n'i avosse pas avut arrès per votar tad eth...
Mes aquò ne constitueish pas ua tendencia generau e qu'ei completament con qu'escríver que LOS OCCITANISTAS vòtan Melenchon (dejà n'ai pas lo cas tà jo...).

  • 0
  • 0
GasconTròl
38.

Eths occitanistas son mes esquerristas que son occitanistas. Pr'aquò vòtan entà Jean-Luc Méchantcon.

  • 4
  • 1
Lo raiòu Cevenas
37.

#14 Sariá estat pas mau, despièi 40 ans, de partir au recòntre de nòstres fraires, de las comunautats d'Òc, de la populacion en generau. Per l'escotar, l'enquistar, la consultar. Per la desfolar, la descomplessar e la concientizar emb de faire de pedagogia per la menar a s'envestir pièi... avans de trefolir per los migrants.
Sèm pas estats fotuts d'aveire "evangelizat" los nòstres. Sauprem mièlhs faire emb dals migrants ?

L'occitanisma, ieu, n'ai fach mon dòu. Mès agisse encara per mon identitat lenguistica e culturala.
Perquò, savètz que i a de monde talament deçaupeguts e maucorats de l'occitanisma, que los pòde pas pus rasonar, quand me pàrlon de s'opausar a l'occitanisma e a la defensa de la lenga ? O savètz aquò ?

  • 5
  • 0
Pitaluga
36.

#35 Cal pas oblidar que Sant Agustin èra cabil, emai sa maire (que sabi pas pus s'es Santa Monica o Santa Elena). Benlèu l'arlèri de qual parlam es cabil d'abans l'arabisacion e islamisacion de Cabilia.

  • 1
  • 0
Bob D.
35.

J'ai toujours trouvé surréaliste que ce type au patronyme kabyle dont tous les ancêtres étaient des maghrébins s'auto-proclame le défenseur fanatique de l'Europe blanche et chrétienne. Cela est aussi éminemment suspect que de voir un afro-américain qui se mettrait à promouvoir le KKK et l'idéologie suprématiste blanche. A en lire les commentaires de nombre de lecteurs de Jornalet apprentis de f...de souche et énamourés de Ben Zemmour cette contradiction semble leur avoir échappé.
Quand il tonne urbi et orbi qu'il faut bouter tous les maghrébins hors d'Europe, prenons-le au mot en lui enjoignant de commencer d'abord par celui qu'il voit dans sa glace tous les matins. Quand on voit la trogne et le blaze de ce Zemmour-Zamouri-Zamora on ne peut que constater que le fameux Grand Remplacement a déjà commencé. Et c'est pas Maurras ou Pétain qui diraient le contraire.

  • 31
  • 6

Escriu un comentari sus aqueste article