Actualitats
Jamal Khashuqji seriá estat torturat e espeçat amb una ressèga
De representants del govèrn turc an assegurat qu'an de pròvas que quinze agents del govèrn saudita se gandiguèron a Istambol per cometre lo crime
Lo jornalista dissident saudian Jamal Khashuqji (sovent transcrich Khashoggi) l'assassinèron lo 2 d'octòbre passat dins lo consolat de son país a Istambol. De representants del govèrn turc an assegurat qu'an de pròvas que quinze agents del govèrn saudian se gandiguèron dins la vila per cometre lo crime. Segon las autoritats, los agents se serviguèron de jets privats d'una societat restacada amb la monarquia e lo Ministèri de l'Interior saudians.
Las autoritats de Riyad asseguran qu'interroguèron Khashuqji, mas que sortiguèt puèi en caminant del consolat. Mas ara per ara n'an pas trobat lo còrs.
Segon las autoritats turcas, los agents saudians l'aurián torturat pendent doas oras e espeçat amb una ressèga. Aquela meteissa nuèch, los agents saudians quitèron Turquia.
Segon The New York Times, cinc d'aqueles 14 agents son pròches del prince eiretièr saudita, Muhammad Bin Salman. Un d'eles, Maher Abd Al Aziz Mutreb, es un dels acompanhaires abituals del prince dins sos viatges a l'estrange.
Al Jazira rapòrta mai de detalhs sul sospechat crime. Segon la cadena qatarita, Khashuqji arribèt al consolat, intrèt dins lo burèu del cònsol general e aquí foguèt retengut per divèrsas personas. A aquel moment, l'estaquèron sus una taula e lo droguèron per l'interrogar. Al Jazira precisa que foguèt lo president de la companhiá saudiana de medecina legala que l'especèt. A causa dels crits, lo bòia demandèt de metre de musica brusenta. Lo president de la companhiá saudiana de medecina legala es un naut foncionari del Ministèri de l'Interior e podiá pas qu'agir per l'òrdre d'un naut responsable del govèrn. Segon Al Jazira, l'espeçatge durèt sèt minutas.
Lo president dels Estats Units, Donald Trump, exigís de Turquia de pròvas jos format àudio o vidèo. "Soi pas segur qu'existiscan", çò afirmèt, abans d'admetre, dijòus passat, la mòrt del jornalista saudian.
Dins son darrièr article, publicat dins The Washington Post dijòus passat, doncas de biais fòrça probablament postum, Khashuqji revendicava la libertat d'expression coma "çò qu'al Mond arabi li fa mai mestièr".
Las autoritats de Riyad asseguran qu'interroguèron Khashuqji, mas que sortiguèt puèi en caminant del consolat. Mas ara per ara n'an pas trobat lo còrs.
Segon las autoritats turcas, los agents saudians l'aurián torturat pendent doas oras e espeçat amb una ressèga. Aquela meteissa nuèch, los agents saudians quitèron Turquia.
Segon The New York Times, cinc d'aqueles 14 agents son pròches del prince eiretièr saudita, Muhammad Bin Salman. Un d'eles, Maher Abd Al Aziz Mutreb, es un dels acompanhaires abituals del prince dins sos viatges a l'estrange.
Al Jazira rapòrta mai de detalhs sul sospechat crime. Segon la cadena qatarita, Khashuqji arribèt al consolat, intrèt dins lo burèu del cònsol general e aquí foguèt retengut per divèrsas personas. A aquel moment, l'estaquèron sus una taula e lo droguèron per l'interrogar. Al Jazira precisa que foguèt lo president de la companhiá saudiana de medecina legala que l'especèt. A causa dels crits, lo bòia demandèt de metre de musica brusenta. Lo president de la companhiá saudiana de medecina legala es un naut foncionari del Ministèri de l'Interior e podiá pas qu'agir per l'òrdre d'un naut responsable del govèrn. Segon Al Jazira, l'espeçatge durèt sèt minutas.
Lo president dels Estats Units, Donald Trump, exigís de Turquia de pròvas jos format àudio o vidèo. "Soi pas segur qu'existiscan", çò afirmèt, abans d'admetre, dijòus passat, la mòrt del jornalista saudian.
Dins son darrièr article, publicat dins The Washington Post dijòus passat, doncas de biais fòrça probablament postum, Khashuqji revendicava la libertat d'expression coma "çò qu'al Mond arabi li fa mai mestièr".
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Filhs de putes !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari