Actualitats
S’es creat un ochen grop a l’Assemblada Nacionala francesa que i portarà lo debat territorial
Eissits de divèrses partits, lo grop s’es creat per defendre “d’un biais descomplexat, una organizacion territoriala mai descentralizada”
S’es creat un ochen grop politic a l’Assemblada Nacionala francesa nomenat “Libertats e Territòris” que i portarà lo debat territorial. Lo grop amassa 16 deputats eissits de la centrista Union dels Democratas Independents (UDI), del Partit Socialista (PS), del partit autonomista còrs Pè a Corsica (Per Corsega), e de deputats inscriches dins cap de grop, amb l’arribada del bretonista d’LREM Paul Molac. Ensems an menat a bon tèrme l’idèa inedita de crear un partit territorial. Aurà dos copresidents: Philippe Vigier e Bertrand Pancher, sortits de l’UDI.
Lo grop s’es creat per defendre “d’un biais descomplexat, una organizacion territoriala mai descentralizada” del temps que cèrca “de portar de solucions economicas, environamentalas e socialas concretas als problèmas quotidians de las populacions”.
Demest lors tòcas trobam que revendican “una reala descentralizacion politica, la volontat d’obrar a una creissença respectuosa dels òmes, dels ecosistèmas e de las ressorsas naturalas, e l’estacament indefectible al projècte europèu que constituís lo sòcle de lor engatjament comun”.
Lo comunicat d’aquela nòva formacion precisa: “Refusam de veire l’Assemblada Nacionala devenir una cambra d’enregistrament. Ela deu, al contrari, permetre la representacion de las francesas e dels franceses dins lor diversitat e de la singularitat dels territòris ont vivon. Portarem aquesta exigéncia en nos opausant a la politica de la majoritat cada còp qu’aquò serà necessari”.
En mai de tot aquò, los deputats de Libertats e Territòris escartan pas d’arribar a d’acòrdis amb d’autres grops per l’interès general. Eles dison que “son plenament conscients de la transformacion prigonda del païsatge politic qu’a acompanhat l’eleccion d’Emmanuel Macron, en plaçant l’interès general e la reüssida del país al còr de lor accion”. Per tant, asseguran qu’autrejaràn lor sosten a la majoritat “cada còp que l’interès superior de la Republica o comandarà”.
Enfin, dins lor declaracion politica, afortisson lor supòrt a la possibilitat que de territòris venon plenament autonòms, en mençonant Corsega.
Lo grop s’es creat per defendre “d’un biais descomplexat, una organizacion territoriala mai descentralizada” del temps que cèrca “de portar de solucions economicas, environamentalas e socialas concretas als problèmas quotidians de las populacions”.
Demest lors tòcas trobam que revendican “una reala descentralizacion politica, la volontat d’obrar a una creissença respectuosa dels òmes, dels ecosistèmas e de las ressorsas naturalas, e l’estacament indefectible al projècte europèu que constituís lo sòcle de lor engatjament comun”.
Lo comunicat d’aquela nòva formacion precisa: “Refusam de veire l’Assemblada Nacionala devenir una cambra d’enregistrament. Ela deu, al contrari, permetre la representacion de las francesas e dels franceses dins lor diversitat e de la singularitat dels territòris ont vivon. Portarem aquesta exigéncia en nos opausant a la politica de la majoritat cada còp qu’aquò serà necessari”.
En mai de tot aquò, los deputats de Libertats e Territòris escartan pas d’arribar a d’acòrdis amb d’autres grops per l’interès general. Eles dison que “son plenament conscients de la transformacion prigonda del païsatge politic qu’a acompanhat l’eleccion d’Emmanuel Macron, en plaçant l’interès general e la reüssida del país al còr de lor accion”. Per tant, asseguran qu’autrejaràn lor sosten a la majoritat “cada còp que l’interès superior de la Republica o comandarà”.
Enfin, dins lor declaracion politica, afortisson lor supòrt a la possibilitat que de territòris venon plenament autonòms, en mençonant Corsega.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un bon partit per defensar los pobles e nacions de l'estat,tendran molta feina per far. Visca !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari