Lo “guedarteko” (“gouedard”, en francés) èra dempuèi lo 21 de julhet 2010 lo nom d’un formatge basco obtengut a partir d’un formatge britanic e d’un de neerlandés. Mas dempuèi qualques jorns es un exemple dels perilhs del sistèma d’edicion collaborativa de Wikipèdia, e tanben de sas capitadas. Lo “guedarteko” es, de fach, un formatge inventat, qu’a figurat dins l’enciclopèdia dobèrta fins que la revista francesa Rue89se n’es avisada.
 
Qualques minutas après la “descobèrta” de Rue89, la pagina s’escafèt de Wikipèdia, çò qu’es tanplan un exemple de rapiditat de reaccion de l’enciclopèdia collaborativa. Ça que la, Google n’a encara una còpia dins la memòria, e quitament lo servidor de Wikipèdia salva la fotografia qu’illustrava l’intrada fòrça completa del “guedarteko”.