Actualitats
La Canorga: an festejat Martror
Se faguèt conéisser e se celebrèt la fèsta occitana dels mòrts
Se faguèt lo 18 d’octòbre passat a la Canorga (Causse de Sauvatèrra), una conferéncia teatralizada sus Martror, la fèsta dels mòrts occitana. Doas comedianas partiguèron a la recèrca de la Mòrt e de sos diferents rituals a travèrs del Mond: del subreconegut Halloween fins als tradicionals Qing Ming de China, Día de los Muertos de Mexic e, de segur, Martror occitan.
Gràcias a la companhiá Le Théâtre des Origines, en partenariat amb los collegians de la Canorga, lo public poguèt descobrir aquelas tradicions ancestralas dins un espectacle vivent e umoristic.
Puèi i aguèt una procession dançanta d’esqueletas, de plorosas e de bruèissas, e puèi lo moment magic de largatge dels ballons. Cadun poguèt mandar al cèl un messatge adreiçat a sos defunts. La serada se clavèt amb l’Apast, lo ritual d’ofrenda de noiridura partejat entre los vius presents e los mòrts.
Gràcias a la companhiá Le Théâtre des Origines, en partenariat amb los collegians de la Canorga, lo public poguèt descobrir aquelas tradicions ancestralas dins un espectacle vivent e umoristic.
Puèi i aguèt una procession dançanta d’esqueletas, de plorosas e de bruèissas, e puèi lo moment magic de largatge dels ballons. Cadun poguèt mandar al cèl un messatge adreiçat a sos defunts. La serada se clavèt amb l’Apast, lo ritual d’ofrenda de noiridura partejat entre los vius presents e los mòrts.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Auèi he anat al cementeri a far net la nostra capelha amb lo meu fraire, es la tradicion qu' es fa a Malhorca, e l'1 de novembre qu' es Tots Sants, manjarem panellet e bunhols amb vin dolç,e resarem una part de rosari pels difunts de la familia. La tradicion també es regalar los padrins als ilhols uns rosaris de panelhets de massapà e fruita confitada. Los panelhets més bons son los de massapan amb pinhons.
Un grand mercé a la còla del Jornalet per aquel article.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari