Actualitats
Puègserguièr: se tendrà deman una serada de solidaritat als sinistrats de las inondacions
Al programa i aurà de concèrts de Goulamas’K, Bob’s Not Dead, Coriandre e Dipsomaniaque, e las recèptas serviràn per ajudar als sinistrats de las inondacions que las an patidas Cabardés e Carcassés
Goulamas’K organiza deman una serada de sosten als sinistrats de las inondacions que las patiguèt la setmana passada lo Bas Lengadòc, mai que mai Cabardés e Carcassés. Après un tragic bilanç de 14 mòrts, lo tempèri e las crescudas an tocat 126 comunas, e al delà de las ajudas que pòscan arribar de las asseguranças e de l’administracion, la solidaritat populara es urgenta.
Inond’accion es lo nom de l’eveniment, qu’a causa de l’urgéncia de la situacion aurà luòc deman dimècres, a partir de 19h a l’Ostal del Pòble de Puègserguièr. Al programa i aurà de concèrts de Goulamas’K, Bob’s Not Dead, Coriandre e Dipsomaniaque. Lo prètz de l’entrada serà de dètz èuros e mai tot çò qu’òm pòsca apondre per solidaritat. I aurà una beguda, d’entrepans e de pescajons sus plaça.
La còla de Goulamas’K an creat un eveniment sus Facebook, e demandan qu’òm s’i inscriga e, sustot, que s’i convide un maxim de mond.
Inond’accion es lo nom de l’eveniment, qu’a causa de l’urgéncia de la situacion aurà luòc deman dimècres, a partir de 19h a l’Ostal del Pòble de Puègserguièr. Al programa i aurà de concèrts de Goulamas’K, Bob’s Not Dead, Coriandre e Dipsomaniaque. Lo prètz de l’entrada serà de dètz èuros e mai tot çò qu’òm pòsca apondre per solidaritat. I aurà una beguda, d’entrepans e de pescajons sus plaça.
La còla de Goulamas’K an creat un eveniment sus Facebook, e demandan qu’òm s’i inscriga e, sustot, que s’i convide un maxim de mond.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que demanen los familiars dels morts e damnificats indemnizacions , es l'unica manera de que arreglen los rius qu' es desbordan fent los amb mai capacitat per eliminar lo cabal que genera las tempestas e plujas torrencialas.
Osca Goulamas'k!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari