Actualitats
Un hialat halhaire en Comenge-Varossa
Eth objectiu qu’ei de tornar balhar sens ara hèsta de Sent Joan e perméter aths abitants de tornà’s apoderar aquera tradicion millenària
Eth divendres 19 d’octòbre, qu’èra organizada ena sala deras hèstas de Marinhac (Frontinhas e Bavartés) ua reunion ara iniciativa dera associacion Eth Ostau Comengés qu’a per especificitat era cuelhuda e era transmission deth patrimòni culturau immateriau deths Pirenèus Gascons. Eth son objectiu: amassar eths actors que s’implican o qu’an hame d’implicà’s ena valorizacion dera hèsta deth solstici d’estiu, era Sent Joan, arreconeguda patrimòni culturau immateriau dera umanitat pera UNÈSCO. Ara crida d’Eth Ostau Comengés, elijuts o associatius de qualques comunas de Comenge e de Varossa qu’èran presents: Marinhac, Estaden, Herran, Senta Maria, Bots, Aspèth (Giròsp e Golhon), Sent Martòri, Sòst, Sarp. Que s’èran excusats de non poder vénguer era municipalitat de Gaudent e eths organizaires dera Barta d’Arribèra.
Demest eras personas presentas, daubuas que perpetuan era tradicion deth “brandon” —que vau mes aperar “har” o “halhar”— en manténguer un saber-hèr eretat deths vielhs. D’autes participants ara reunion qu’an tornat a lançar aquera practica pòc de temps a o que’s pensan d’ac hèr en son territòri. Pr’aquò, en aquera aviada, que’s pòsan questions d’òrde practic, institucionau e de contengut culturau: quin cau preparar eth arbe, quan deu èster cramat, quina(s) animacion(s) proposar en complement, quin transméter aquestes sabers e aquestes saber-hèr aths joens?
Qu’ei pr’amor d’aquò, conscients dera valor deth patrimòni culturau dera nòsta region e deras incidéncias beneficas que i pòt aver sus eth ligam sociau, era economia toristica, era educacion, eths participants ara amassada de Marinhac qu’an exprimit era sua enveja de formar un hialat halhaire endà mutualizar eras informacions e eras competéncias, damb un doble objectiu: tornar balhar sens ara Sent Joan e perméter aths abitants de tornà’s apoderar aquera tradicion millenària.
Endà aver mes informacions sus eth hialat halhaire en Comenge-Varossa, que podetz contactar Eth Ostau Comengés: contact@ostaucom...
Joan-Pau Ferré
Demest eras personas presentas, daubuas que perpetuan era tradicion deth “brandon” —que vau mes aperar “har” o “halhar”— en manténguer un saber-hèr eretat deths vielhs. D’autes participants ara reunion qu’an tornat a lançar aquera practica pòc de temps a o que’s pensan d’ac hèr en son territòri. Pr’aquò, en aquera aviada, que’s pòsan questions d’òrde practic, institucionau e de contengut culturau: quin cau preparar eth arbe, quan deu èster cramat, quina(s) animacion(s) proposar en complement, quin transméter aquestes sabers e aquestes saber-hèr aths joens?
Qu’ei pr’amor d’aquò, conscients dera valor deth patrimòni culturau dera nòsta region e deras incidéncias beneficas que i pòt aver sus eth ligam sociau, era economia toristica, era educacion, eths participants ara amassada de Marinhac qu’an exprimit era sua enveja de formar un hialat halhaire endà mutualizar eras informacions e eras competéncias, damb un doble objectiu: tornar balhar sens ara Sent Joan e perméter aths abitants de tornà’s apoderar aquera tradicion millenària.
Endà aver mes informacions sus eth hialat halhaire en Comenge-Varossa, que podetz contactar Eth Ostau Comengés: contact@ostaucom...
Joan-Pau Ferré
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Correccion : "Jornalet, se n'avètz mai de novèlas..."
Un localisma de portada sociala e "universala". Coma la famosa escorreguda "Passem". Darriès lur revendicacion gascona e biarnesa e talas coma las vívon, los actors culturaus d'aquel caire d'Òc an sentit e comprés fòrça causas. Fan partida d'aquela faça clara de l'occitanisma. E finalament, aime mièlhs de los laissar se nommar coma voldràn, coma o sentiràn. Ieu, lurs lève lo capèl. Francament. Chanut ! Jornalet, se n'auretz mai de novèlas d'aquesta mena, manquessiatz pas de nos assaventar.
Qu'é Gaudent (en Varossa).
#1 Qu'é Gaudent (en Varossa).
N'ei pas bric escriut Sent Gaudenç, qu'ei escriut Gaudent. Non s'ageish cap de la medeisha comuna.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari