Actualitats
Alemanha cancèla la venda d'armas a l'Arabia Saudita e demanda als autres païses de far parièr
O fa per protestar contra la mòrt del jornalista Jamal Khashuqji al consolat saudian d’Istambol
Lo ministre de l’economia alemanda, Peter Altmaire, a dich que lo govèrn alemand demanda als autres païses de suspendre tanben la venda d’armas a l’Arabia Saudita, en protèsta contra la mòrt del jornalista Jamal Khashuqji al consolat saudiand’Istambol.
Dimenge passat, la cancelièra alemanda, Angela Merkel, anoncièt que son executiu aviá anullat la venda d’armas a l’Arabia Saudita tant que s’esclaririá pas las circonstàncias de la mòrt del jornalista.
Parallèlament, tanben dimenge, los govèrns alemand, britanic e francés publiquèron un comunicat conjonch ont considèran “injustificable” l’assassinat de Khashuqji que condemnan “dins los tèrmes pus energics possibles”.
Los tres païses exigisson “una explicacion urgenta sus çò que se passèt exactament” e demandan a l’Arabia Saudita que tota ipotèsi sus la mòrt del jornalista “s’apiège sus de faches”. Segon la darrièra version de Riad, Khashuqji moriguèt pendent una batèsta amb de personas que lo volián convéncer que tornèsse dins son país. Segon lo comunicat saudian, la discussion amb Khashuqji “degenerèt” e s’acabèt “a còps de ponh”. Lo comunicat precisa pas qui participèt a la bagarra ni mai ont es lo còrs de Khashuqji.
Segon de donadas de l’Institut Internacional de Recèrca sus la Patz d’Estocòlme (SIPRI), los principals païses que vendon d’armas a l’Arabia Saudita son los Estats Units, Reialme Unit, França, Espanha, Soïssa e Alemanha.
Dimenge passat, la cancelièra alemanda, Angela Merkel, anoncièt que son executiu aviá anullat la venda d’armas a l’Arabia Saudita tant que s’esclaririá pas las circonstàncias de la mòrt del jornalista.
Parallèlament, tanben dimenge, los govèrns alemand, britanic e francés publiquèron un comunicat conjonch ont considèran “injustificable” l’assassinat de Khashuqji que condemnan “dins los tèrmes pus energics possibles”.
Los tres païses exigisson “una explicacion urgenta sus çò que se passèt exactament” e demandan a l’Arabia Saudita que tota ipotèsi sus la mòrt del jornalista “s’apiège sus de faches”. Segon la darrièra version de Riad, Khashuqji moriguèt pendent una batèsta amb de personas que lo volián convéncer que tornèsse dins son país. Segon lo comunicat saudian, la discussion amb Khashuqji “degenerèt” e s’acabèt “a còps de ponh”. Lo comunicat precisa pas qui participèt a la bagarra ni mai ont es lo còrs de Khashuqji.
Segon de donadas de l’Institut Internacional de Recèrca sus la Patz d’Estocòlme (SIPRI), los principals païses que vendon d’armas a l’Arabia Saudita son los Estats Units, Reialme Unit, França, Espanha, Soïssa e Alemanha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ben fait l'Alemanha per una vegada ! Que los vengan a Venezuela o a Cuba que los paures tenen pauc armament e los anirà força ben per defensar-se de los ionquis que los voden invadir.
Cal pagar una visita a l'ORL a l'arlèri de l'Elisèu: sembla qu'a pas ausit dòna Merkel.
Remarca: en Espanha, lo partit pretendut socialista qu'es a las comandas de l'estat, a votat per contunhar de vendre d'armas a Arabia Saudita. Sabèm pas s'an calculada ja la comission pel rei emerit, e son amigeta Corinna.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari