Actualitats
De milièrs de personas son a caminar pendent 3000 quilomètres per arribar als Estats Units
Fugisson la pauretat, la paur e la violéncia de grops armats. La caravana partiguèt d'Honduras lo 12 d'octòbre passat
La caravana partiguèt lo 12 d'octòbre de San Pedro de Sula (Honduras) amb aperaquí 5500 personas. Vòlon arribar als Estats Units en cèrca d'un futur melhor. A l'ora d'ara se trobarián près de Ciudad Hidalgo, dins lo sud de Mexic. Pendent qualques jorns, las autoritats mexicanas avián arrestat la caravana abans de passat lo pont apelat Rodolfo Robles, que fa la frontièra de Guatemala e Mexic. L'imatge dels migrants sul pont es vengut iconic.
Lo govèrn mexican ensagèt de los far intrar pauc a cha pauc, en començant per las femnas e los enfants. Mas en fin finala totes i son intrats en traversant lo flume. Ara, lo president mexican los avertís que riscan d'èsser expulsats se pòdon pas justificar una demanda d'asil a Mexic. Per ara, un milièr de personas n'an superat las condicions necessàrias.
La caravana la sostenon qualques organizacions umanitàrias e la Comission Nacionala dels Dreches Umans de Mexic.
Mas lo govèrn mexican quita pas de dire que la marcha se deu arrestar. D’efièch, lor a prepausat d’èsser transportadas e d’èsser lotjadas dins d'aubèrgas de migrants, mas o an refusat. An paur d'èsser expulsats se son escampilhats e se senton mai segurs se contunhan lor caminada en grop.
Segon lo ministre dels afars exteriors d'Honduras, unas 2000 personas an decidit lo retorn al país. Dins aquel sens, los presidents de Guatemala e d'Honduras an promés una seguida de mesuras per melhorar la vida als que tornaràn.
Trump avertís que son pas benvenguts
Lo president estatsunidenc, Donald Trump, los a avertits que son pas benvenguts e que barrarà la frontièra se la caravana avança. "Devon demandar l'asil a Mexic, primièr; s'o fan pas, los Estats Units los refusarà", es a dire que los expulsarà tre que seràn arribats sus la frontièra.
De caravanas coma aquesta n'i a agudas regularament dins las darrièras annadas, mas Trump s’es servit d'aquesta per far un espectacle mediatic e insistir sus son discors antimigracion, mai que mai ara, qu'es a tres setmanas de las eleccions de mièg mandat.
Sadly, it looks like Mexico’s Police and Military are unable to stop the Caravan heading to the Southern Border of the United States. Criminals and unknown Middle Easterners are mixed in. I have alerted Border Patrol and Military that this is a National Emergy. Must change laws!
— Donald J. Trump (@realDonaldTrump) 22 d’octubre de 2018
Every time you see a Caravan, or people illegally coming, or attempting to come, into our Country illegally, think of and blame the Democrats for not giving us the votes to change our pathetic Immigration Laws! Remember the Midterms! So unfair to those who come in legally.
— Donald J. Trump (@realDonaldTrump) 22 d’octubre de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La crosada dels enfants ?
Los ionquis los han fet un cops d'estat a Honduras, e la gent ara non poden viure e se n'han d'anar per poder manjar. Fan ben, coma a Siria que los ionquis e los europeus los feren la guerra amb los mercenaris terroristas de l'estat Islamic, agueren molts de partir cap Alemanha e Europa perquè allà non se podia viure.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari