Actualitats
L'ÒNU a condemnat França per l'enebicion del vel integral
Lo comitat dels drechs umans planh que la lei francesa "marginalize" las femnas que pòrtan lo niqab "en las confinant dins lors ostals e en lor barrar l'accès als servicis publics"
"Lo comitat reconeis que los estats pòdon exigir que los individús mòstren lor cara dins de circonstàncias especificas dins l'encastre de contraròtles d'identitat, mas considèra que l'enebicion generalizada del niqab es una mesura tròp radicala", çò ditz lo comunicat en apondent que "l'interdiccion del niqab viòla la libertat religiosa e los dreches umans" de las doas femnas.
Lo president del comitat, l'israelian Yuval Shany, assegurèt que tant el coma mai d’un expèrt creson que "lo niqab es una forma d’opression de las femnas", mas qu'una "interdiccion generalizada d’aspècte penal permet pas d’assegurar un equilibri rasonable entre l'interès general e las libertats individualas". En mai d'aquò, lo comitat deplora que la lei francesa "marginalize" las femnas que pòrtan lo vel integral o lo niqab "en las confinant dins lors ostals e en lor barrant l'accès als servicis publics".
En prevesent de multas fins a 150 èuros, la lei francesa enebís dempuèi 2010 de portar en public de vestits qu'amaguen la cara. Una lei similara existís en Belgica. En 2016, doas ciutadanas francesas faguèron una apelacion davant lo comitat d'expèrts de l'ÒNU, après èsser estadas condemnadas en 2012 per aver cargat lo niqab.
Los 18 d'expèrts del comitat de l'ÒNU son elegits per de periòdes de quatre ans e susvelhan l’execucion del Pache Internacional dels Dreches Civils e Politics, signat per 160 païses. De mençonar, totun, que lo comitat de l'ÒNU emet d'opinions qu’an pas de capacitats coercitivas.
#France: Fining two women for wearing the #niqab in public violated their freedom of religion — #HRCttee experts not persuaded by France’s claim that ban was necessary & proportionate for security reasons or for attaining the goal of “living together”.
— UN Human Rights (@UNHumanRights) 23 d’octubre de 2018
https://t.co/NBxXFLCZXFpic.twitter.com/ZjBQORwy3k
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los chovinets son curts de gambals, cresen que prohibint s'arreglan las causas, son ordinaris e sensa sensibilitat, los manca finesa per comprene qu' estan violant drets de las altras personas.
A l’ONU, los países someses a una religion son mai nombroses que los países que separan religion e politica: d’aquí la rason desrasonabla de lor vòte.
La tolerença, l'etica e la compassion son quauques còps de las armes dau dictator. Si aquela femna revendica una plaça dins l'administracion es pas segur que siaja tant bastuda qu'aquò dins sa familha. La violença conjugala exista tant ben dins la societat francesa. Los frairs musulmans son pas totjorn musulmans e l'òm sap totjorn d'ente ven l'argent que lo fai agir. L'ONU es pas totjorn au-dessus de l'argent. Quò es pas una islamisacion mas una djadisacion e l'òm sap pas qui es darrier. mas los medias
portan la votz d'aqueus que los paian. Son pus interessat per lòr audiença que per la libertat d'expression.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari