De representants del PCF e de l'UMP en favor de las lengas dichas regionalas
En un debat organizat per País Nòstre a Carcassona, los representants politics se son prononciats per la ratificacion de Carta Europèa de las Lengas Minorizadas
Quatre elegits d'esquèrra e de drecha an afirmat lo lor vejaire en favor de las lengas dichas regionalas, en un debat organizat per País Nòstre a Carcassona. Es de notar que l'elegit del PCF a criticat la "posicion jacobina de J.L. Mélenchon" e que lo de l'UMP s'es dessolidarizat de la posicion del candidat N. Sarkozy.
Lo debat "per un estatut per las lengas regionalas", organizat dimècres 11 d'abril per País Nòstre a Carcassona, foguèt una capitada. Convidats, quatre elegits d'esquèrra e de drecha (PS, PCF, UMP e ecologistas) son venguts afirmar lor vejaire e discutir amb lo public.
Éric Andrieu, conselhièr regional PS, Henry Garino, conselhièr regional comunista, Emmanuel Bresson, president de l'UMP dins lo departament d'Aude, e Stéphane Linou, conselhièr general ecologista (EELV), se son prononciats per la ratificacion per l'Estat francés de la Carta Europèa de las Lengas Regionalas o Minoritàrias.
Es de notar que l'elegit del PCF a criticat la "posicion jacobina de J.L Mélenchon" e que lo cònsol UMP de Bèucaire, E. Bresson, s'es dessolidarizat de la posicion del candidat Sarkozy sus la question de las lengas.
Joan-Pèire Laval, president del movement País Nòstre, faguèt l'animacion de la reünion e cal notar la preséncia dins la sala del cantaire Mans de Breish, d'Alan Roch, d'A. Denat de l'IEO e de J.F. Albert de la confederacion de las Calandretas, al delà d'un cinquantenat de personas. País Nòstre vòl organizar d'autres debats sus aquel sicut a Narbona, Besièrs, Montpelhièr e Nimes.
Lo debat se debanèt al Café de la Commedie, a la carrièra del Cortejaire de Carcassona | veteranul1.ro
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es pas possible de discutir amb partits francesistas sords.
La discutida amb UMP, PS, PCF, PG, PRG e d'autres ne vòs-aquí-n'as servís a pas res de res.
Los òmes an pas jamai capitat de far beures gosses qu'an pas set.
La solucion non pòt èsser que defòra del sistèma politic francés.
L'occitanisme se deu inscriure dins una accion de rompedura.
Per l'occitan, i aurà jamai una bona solucion amb los franchimands o amb los renegats occitans afranchimandats.
A çò melhor balharan qualques mesuretas, qualques gotas de pissa de gat per i negar lo peis e nos far pèrdre temps.
De dreta ò d'esquerra, he mei d'ua mandatura que deputats,los qui pòden andar per legiferir, "tribalhan" per har avançar lo heit de las lengas. Ua mandatura de mei se clava shens nada resulta! Et lo temps deus "cagan promessas" torna!
D'aver signat la carta europenca de las lengas minoritarias, França era engatjada a aplicar autanlèu lo contiengut acceptat per era; la ratificacion ne balhara pas arren mei; sonque que lo Conselh Euròpa podera verificar lo respect deus engatjaments signats per l' Estat. Et donques liurar un rapòrt on seran relhevats los mancaments shens vertadier poder de sanccion.
Los elegits del PCF o de l'UMP que se desolidarison de lor direccion "nacionala" son en plena contradiccion, o devon juntar lo Partit Occitan o crear un PCO o una UMP/OC o se calar perqué se demoran dins aqueles partits franceses vòl dire que per eles es una question segondària !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Es pas possible de discutir amb partits francesistas sords.
La discutida amb UMP, PS, PCF, PG, PRG e d'autres ne vòs-aquí-n'as servís a pas res de res.
Los òmes an pas jamai capitat de far beures gosses qu'an pas set.
La solucion non pòt èsser que defòra del sistèma politic francés.
L'occitanisme se deu inscriure dins una accion de rompedura.
Per l'occitan, i aurà jamai una bona solucion amb los franchimands o amb los renegats occitans afranchimandats.
A çò melhor balharan qualques mesuretas, qualques gotas de pissa de gat per i negar lo peis e nos far pèrdre temps.
De dreta ò d'esquerra, he mei d'ua mandatura que deputats,los qui pòden andar per legiferir, "tribalhan" per har avançar lo heit de las lengas. Ua mandatura de mei se clava shens nada resulta! Et lo temps deus "cagan promessas" torna!
D'aver signat la carta europenca de las lengas minoritarias, França era engatjada a aplicar autanlèu lo contiengut acceptat per era; la ratificacion ne balhara pas arren mei; sonque que lo Conselh Euròpa podera verificar lo respect deus engatjaments signats per l' Estat. Et donques liurar un rapòrt on seran relhevats los mancaments shens vertadier poder de sanccion.
Los elegits del PCF o de l'UMP que se desolidarison de lor direccion "nacionala" son en plena contradiccion, o devon juntar lo Partit Occitan o crear un PCO o una UMP/OC o se calar perqué se demoran dins aqueles partits franceses vòl dire que per eles es una question segondària !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari