Actualitats
Retorn a l’orari d’ivèrn
Un còp de mai, dins la nuèch de dissabte a dimenge, nos fan retardar d’una ora nòstres relòtges e mòstras
Un còp de mai, nos fan retardar d’una ora nòstres relòtges e mòstras per intrar dins l’orari d’ivèrn. Aital, a tres oras del matin d’aqueste dimenge 28 d’octòbre, seràn tornarmai doas oras. Aquò permet d’aprofechar las oras de solelh del matin e aital d’estalviar d’energia, çò dison.
Las mòstras e los relòtges se mòvon a l’encòp gaireben dins tota Euròpa. Lo cambiament orari comencèt de se far a partir de la crisi del petròli de 1973, quand qualques païses aguèron decidit de cambiar d’orari per aprofechar la lutz del Solelh e consumar mens d’electricitat. Dempuèi 1981, aquel sistèma es una nòrma de l’Union Europèa. Amb aquela practica, l’ora oficiala es dins l’estiu de doas oras de mai que l’ora solara, mentre que dins l’ivèrn es d’una ora de mai.
Amb aquesta practica, l’ora oficiala es d’estiu de doas oras de mai que l’ora solara, mentre que d’ivèrn es d’una ora de mai.
Fin dels cambiaments oraris
Aquel nòu cambiament d’ora arriba en plen debat sus la question. En setembre passat, la Comission Europèa (CE) prepausava al Parlament Europèu d’eliminar lo cambiament d’ora. Segon un sondatge que l’a realizat la Comission Europèa, l’80% dels ciutadans europèus son partisans d’eliminar lo cambiament orari.
La CE expliquèt tanben que voliá que lo darrièr cambiament orari obligatòri aguèsse luòc en març de 2019 e que se demorèsse permanentament dins l’orari d’estiu.
En febrièr passat, una resolucion del Parlament Europèu assegurava que l’argument de l’estalviament d’energia èra pas significatiu; al contrari, lo cambiament orari a d’efièches negatius sus la santat umana.
Las mòstras e los relòtges se mòvon a l’encòp gaireben dins tota Euròpa. Lo cambiament orari comencèt de se far a partir de la crisi del petròli de 1973, quand qualques païses aguèron decidit de cambiar d’orari per aprofechar la lutz del Solelh e consumar mens d’electricitat. Dempuèi 1981, aquel sistèma es una nòrma de l’Union Europèa. Amb aquela practica, l’ora oficiala es dins l’estiu de doas oras de mai que l’ora solara, mentre que dins l’ivèrn es d’una ora de mai.
Amb aquesta practica, l’ora oficiala es d’estiu de doas oras de mai que l’ora solara, mentre que d’ivèrn es d’una ora de mai.
Fin dels cambiaments oraris
Aquel nòu cambiament d’ora arriba en plen debat sus la question. En setembre passat, la Comission Europèa (CE) prepausava al Parlament Europèu d’eliminar lo cambiament d’ora. Segon un sondatge que l’a realizat la Comission Europèa, l’80% dels ciutadans europèus son partisans d’eliminar lo cambiament orari.
La CE expliquèt tanben que voliá que lo darrièr cambiament orari obligatòri aguèsse luòc en març de 2019 e que se demorèsse permanentament dins l’orari d’estiu.
En febrièr passat, una resolucion del Parlament Europèu assegurava que l’argument de l’estalviament d’energia èra pas significatiu; al contrari, lo cambiament orari a d’efièches negatius sus la santat umana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
M'agrada mai aqueste horari, coma lo soleilh o amb una hora de diferència, esperi qu'a la primavera non tornin posar lo de duas horas de diferencia amb lo solelh per anar coma los alemanhs. A prende pel cuol !
L'ora solara es segurament mai naturala per la sandat e tot aquò... mas es tant plasent de poder profeitar dau solelh un pauc pus tard en estiu qu'un tau chamjament ieu me plairiá pas gaire ! E deve pas èsser tot sou de pensar coma aquo... ㋡
L'ora solara o l'ora d'ivèrn. Vai ben. Emb de l'ora d'estiu, nos coigem totjorn pus tard e destorbem nòstre ritme naturau amai lo dals enfants. Chau arrestar.
#2 Per anar al cap de rasonament, cal prendre l'ora solara (ivèrn mens una).
Ieu pensi que caldriá demorar a l'ora dicha d'ivèrn tota l'annada perqué es mai pròche de l'ora del solelh e mai bona per la santat umana.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari