Actualitats
La comuna de Montpelhièr revendica l’occitan a la ràdio e a la television publicas
En seguida d’una peticion del Collectiu Occitan, lo conselh municipal revendica la preséncia regulara de la lenga nòstra sus France 3 e France Bleu
La comuna de Montpelhièr a aprovat una mocion en sosten a “una preséncia regulara e crescuda de la lenga occitanas sus la cadena de television publica regionala France 3 e dins los rets locals de la ràdio France Bleu”. Es atal que lo consistòri del Clapàs jonh la revendicacion del Collectiu Occitan que se bat per la preséncia jornadièra de l’occitan dins los mèdias publics.
Lo Collectiu Occitan a demandat lo supòrt de las comunas, mai que mai dels departaments d’Erau e Avairon, e a recebut de responsas positivas d’Agde, de l’aglomeracion de Seta, de Montpelhièr e de las comunautats de comunas de Clarmontés d’Erau e del país de Leveson. Tanben la comuna de Tolosa mandèt en agost passat un corrièr al ministèri per sosténer una preséncia de l’occitan cada jorn a la television publica.
An tanplan manifestat lor sosten las comunas de Pòrt la Novèla (Narbonés) e de Virsec, del causse de Larzac que fa partida del departament d’Erau. D’autres sostens son a arribar, çò que mòstra la volontat d’una preséncia pus digna de la lenga occitana a la television publica del país.
Lo Collectiu Occitan amassa un desenat de movements occitanistas, dont Convergéncia Occitana, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Esquèrra Revolucionària Occitana, Bastir, Macarèl e l’Associacion Zo. Revendica la preséncia quotidiana de l’occitan a la television publica, e se mobiliza en vista de la reforma de l’audiovisual public que se tendrà lèu dins l’estat francés.
A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions dels estats vesins coma Espanha, Soïssa o Belgica.
Lo Collectiu Occitan a demandat lo supòrt de las comunas, mai que mai dels departaments d’Erau e Avairon, e a recebut de responsas positivas d’Agde, de l’aglomeracion de Seta, de Montpelhièr e de las comunautats de comunas de Clarmontés d’Erau e del país de Leveson. Tanben la comuna de Tolosa mandèt en agost passat un corrièr al ministèri per sosténer una preséncia de l’occitan cada jorn a la television publica.
An tanplan manifestat lor sosten las comunas de Pòrt la Novèla (Narbonés) e de Virsec, del causse de Larzac que fa partida del departament d’Erau. D’autres sostens son a arribar, çò que mòstra la volontat d’una preséncia pus digna de la lenga occitana a la television publica del país.
Lo Collectiu Occitan amassa un desenat de movements occitanistas, dont Convergéncia Occitana, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Esquèrra Revolucionària Occitana, Bastir, Macarèl e l’Associacion Zo. Revendica la preséncia quotidiana de l’occitan a la television publica, e se mobiliza en vista de la reforma de l’audiovisual public que se tendrà lèu dins l’estat francés.
A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions dels estats vesins coma Espanha, Soïssa o Belgica.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se cal bolegar amics, perquè del trabalh surt lo profit. Ara que la region es diu Occitania es lo moment de qu' es senti que ho es, que se senti que la TV parla en occitan.
Es la melhor nova que podi rebre, qu'es reivindica l'occitan a la TV. Visca!
Soi plan content de saber que la comuna de Montpelhièr reinvindica l’occitan a la television mas sabi pas çò que fa la comuna per la lenga. Fasètz çò que disi, fagatz pas çò que fau !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari