Actualitats
Disparicion d’un etnològ de tria: Joan-Pèire Piniès
Personatge de la vida culturala e intellectuala carcassonesa, a totjorn marcat son interès per la lenga e la cultura d’Òc e las accions menadas
Joan-Peire Piniès nos a daissats a l’atge de 72 ans aqueste dimenge 28 d’octòbre après de meses de patiments dins sa bona vila de Carcassona.
Personatge de la vida culturala e intellectuala carcassonesa, a totjorn marcat son interès per la lenga e la cultura d’Òc e las accions menadas.
Cal citar son trabalh al Licèu Agricòla Carlesmanhe (Carcassona); sos engatjaments sindicals e politics dins lo vam de 1968; sa participacion activa al reviscolament del carnaval de Carcassona dins los ans 1980; son òbra etnologica, rica de nombrosas mòstras e publicacions. S’interessèt mai que mai als testimoniatges de magia e de mascariá, a l’evolucion de la vida dels audencs e dels lengadocians (las isclas de la Nadièra e de Santa Lucia, la vida pastorala, la revòlta vinhairona de 1907, lo rapòrt dels abitants amb la Ciutat de Carcassona, etc.),
Amb Danièl Fabre, èra un dels fondadors del GARAE (Grop Audenc de Recèrca e d’Animacion Etnograficas) que n’èra encara lo secretari general. Los dos s’estacavan atal a perseguir l’òbra entamenada per Renat Nelli dins l’encastre de la revista Folklore.
La messa d’enterrament se ten uèi, dimècres 31 d’octobre, a 9 oras del matin, a la basilica Sant Nasari de la Ciutat de Carcassona. Puèi son còrs serà incinerat al crematorium de Trebes.
Alan Roch
Personatge de la vida culturala e intellectuala carcassonesa, a totjorn marcat son interès per la lenga e la cultura d’Òc e las accions menadas.
Cal citar son trabalh al Licèu Agricòla Carlesmanhe (Carcassona); sos engatjaments sindicals e politics dins lo vam de 1968; sa participacion activa al reviscolament del carnaval de Carcassona dins los ans 1980; son òbra etnologica, rica de nombrosas mòstras e publicacions. S’interessèt mai que mai als testimoniatges de magia e de mascariá, a l’evolucion de la vida dels audencs e dels lengadocians (las isclas de la Nadièra e de Santa Lucia, la vida pastorala, la revòlta vinhairona de 1907, lo rapòrt dels abitants amb la Ciutat de Carcassona, etc.),
Amb Danièl Fabre, èra un dels fondadors del GARAE (Grop Audenc de Recèrca e d’Animacion Etnograficas) que n’èra encara lo secretari general. Los dos s’estacavan atal a perseguir l’òbra entamenada per Renat Nelli dins l’encastre de la revista Folklore.
La messa d’enterrament se ten uèi, dimècres 31 d’octobre, a 9 oras del matin, a la basilica Sant Nasari de la Ciutat de Carcassona. Puèi son còrs serà incinerat al crematorium de Trebes.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Croyances populaires des pays d'oc " fuguèt un libre de tria que m'acompanhèt de longa dins meis annadas de contaira occitana e m'ajudèt dins mei creacions . Un grand mercé en aquel que ven de nos quitar.
Lo jJoan-Pèire Piniès avis demanda que se cantèsse Lo boièr a la cermonia al crématorium.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari