Actualitats
Catalonha: la desconeguda repression que patisson los CDR
Aqueles comitats ciutadans an publicat un vidèo que denóncia la situacion
En Catalonha, los Comitats de Defensa de la Republica (CDR) an presentat una campanha apelada “Decidissèm d’èsser” per denonciar la repression de l’estat espanhòl que patisson.
Aqueles comitats populars autonòms d’accion locala, sortits del movement ciutadan que capitèt a menar a bon tèrme lo referendum d’independéncia del 1r d’octòbre passat, denóncian ara la situacion que vivon en Catalonha. Benlèu los activistas mai coneguts son Tamara Carrasco, assignada a domicili dins la vila de Viladecans, dins la banlèga de Barcelona, e Adrià Carrasco qu’es exiliat a Brussèlas. Mas la repression que patisson aqueles ciutadans, perseguits per aver participat a de manifestacions o per revendicar la liberacion dels presonièrs politics, es pas pro coneguda. Per mostrar la diversitat de las personas reprimidas o menaçadas, an publicat un vidèo que denóncia la situacion.
“Coma los comitats cubans”
Lo precedent ministre de l’Interior espanhòl, José Ignacio Zoido confirmèt en abril passat que los membres dels CDR èran perseguits per “rebellion e terrorisme”. Dins aquel sens, Zoido precisèt que “los CDR [èran] los qu’[avián començat] d’accions violentas abans lo 1r d’octòbre e pendent lo 1r d’octòbre”, e qu’agissián coma “los comitats cubans”, valent a dire qu’èran “d’estructuras orizontalas”, pas ierarquicas, en permetent ansin que “[penetrèsson] aisidament entre los joves e dins lo territòri”.
En Aran
En Aran, en luòc d'un CDR se tròba un collectiu nomenat Taula per Aran, qu'es un movement ciutadan similar, mas que, de mai, critica l’imatge d’espanholitat del país occitan balhat pels mèdias espanhòls e afirma que solament Catalonha reconeis l’autogovèrn e la singularitat d’Aran.
Aqueles comitats populars autonòms d’accion locala, sortits del movement ciutadan que capitèt a menar a bon tèrme lo referendum d’independéncia del 1r d’octòbre passat, denóncian ara la situacion que vivon en Catalonha. Benlèu los activistas mai coneguts son Tamara Carrasco, assignada a domicili dins la vila de Viladecans, dins la banlèga de Barcelona, e Adrià Carrasco qu’es exiliat a Brussèlas. Mas la repression que patisson aqueles ciutadans, perseguits per aver participat a de manifestacions o per revendicar la liberacion dels presonièrs politics, es pas pro coneguda. Per mostrar la diversitat de las personas reprimidas o menaçadas, an publicat un vidèo que denóncia la situacion.
#DecidimSer poble.
— Decidim Ser (@DecidimSer) 29 d’octubre de 2018
Contra la repressió, fem xarxa, fem #República. pic.twitter.com/ui7Kzz1yOp
“Coma los comitats cubans”
Lo precedent ministre de l’Interior espanhòl, José Ignacio Zoido confirmèt en abril passat que los membres dels CDR èran perseguits per “rebellion e terrorisme”. Dins aquel sens, Zoido precisèt que “los CDR [èran] los qu’[avián començat] d’accions violentas abans lo 1r d’octòbre e pendent lo 1r d’octòbre”, e qu’agissián coma “los comitats cubans”, valent a dire qu’èran “d’estructuras orizontalas”, pas ierarquicas, en permetent ansin que “[penetrèsson] aisidament entre los joves e dins lo territòri”.
En Aran
En Aran, en luòc d'un CDR se tròba un collectiu nomenat Taula per Aran, qu'es un movement ciutadan similar, mas que, de mai, critica l’imatge d’espanholitat del país occitan balhat pels mèdias espanhòls e afirma que solament Catalonha reconeis l’autogovèrn e la singularitat d’Aran.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E se ditz "democratic", "socialista" e "d'esquèrra", lo governnament manten actualament aqueste procediment dictatorial ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari