Actualitats
Àustria refusa de jónher lo Pache Mondial sus la Migracion de l'ÒNU
Lo govèrn austrian, amb de membres d'extrèma drecha, seguís la draia dels Estats Units de Donald Trump e de l'Ongria de Viktor Orbán
Àustria a anonciat que jonherà pas lo Pache Mondial sus la Migracion de las Nacions Unidas, que cèrca d’establir una estrategia globala fàcia a las migracions amb una insisténcia especiala sus la "non-discriminacion" e suls "dreches umans". Segon lo viceprimièr ministre austrian, lo cap de l’extrèma drecha Heinz-Christian Strache, lo govèrn de Sebastian Kurz "accèpta pas" aquel pache negociat per consens al sen de l’ÒNU. "Refusam de parts substancialas per de rasons de contengut", çò a dich Strache sus Twitter. Aital, l’estat que ten ara la presidéncia viradissa de l'Union Europèa seguís la draia dels Estats Units de Donald Trump e de l'Ongria de Viktor Orbán, qu'an tanplan refusat l'acòrdi.
Lo Pache Mondial sus la Migracion serà lo primièr acòrdi intergovernamental qu'a una amira comuna sul problèma, e mai se legalament serà pas constrenhent.
La version finala del tèxt pachat en julhet passat es previst que siá signada dins una granda conferéncia al Marròc los 10 e 11 de decembre que venon.
Reaccion europèa
La Comission Europèa anoncièt dimècres que, malgrat la posicion d’Àustria, Brussèlas "contunha de sosténer" lo Pache Global sus la Migracion. "Planhèm la decision que l’a presa lo govèrn austrian", çò assegurèt la pòrtavotz de la Comission Europèa, Natasha Bertaud. Aital, a defendut que l’executiu europèu de Jean-Claude Juncker" contunharà de creire que la migracion es un enjòc global" que requerís "de solucions globalas". Per aquela rason, la CE a confirmat qu’es "en contacte amb las autoritats austrianas per recebre mai de detalhs sus aquela decision".
A respècte de la signatura de l’acòrdi e del ròtle de l’UE coma organizacion supranacionala, la pòrtavotz responsabla dels afars exteriors, Maja Kocijančič, afirmèt que "seràn los estats membres d'un biais individual" que signaràn lo pache. Pasmens, Kocijančič a escartat cap d’implicacion legala per l’UE perque l’acòrdi es pas constrenhent.
Lo Pache Mondial sus la Migracion serà lo primièr acòrdi intergovernamental qu'a una amira comuna sul problèma, e mai se legalament serà pas constrenhent.
La version finala del tèxt pachat en julhet passat es previst que siá signada dins una granda conferéncia al Marròc los 10 e 11 de decembre que venon.
Reaccion europèa
La Comission Europèa anoncièt dimècres que, malgrat la posicion d’Àustria, Brussèlas "contunha de sosténer" lo Pache Global sus la Migracion. "Planhèm la decision que l’a presa lo govèrn austrian", çò assegurèt la pòrtavotz de la Comission Europèa, Natasha Bertaud. Aital, a defendut que l’executiu europèu de Jean-Claude Juncker" contunharà de creire que la migracion es un enjòc global" que requerís "de solucions globalas". Per aquela rason, la CE a confirmat qu’es "en contacte amb las autoritats austrianas per recebre mai de detalhs sus aquela decision".
A respècte de la signatura de l’acòrdi e del ròtle de l’UE coma organizacion supranacionala, la pòrtavotz responsabla dels afars exteriors, Maja Kocijančič, afirmèt que "seràn los estats membres d'un biais individual" que signaràn lo pache. Pasmens, Kocijančič a escartat cap d’implicacion legala per l’UE perque l’acòrdi es pas constrenhent.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Austra aculh a moltissims emigrants des de fa decadas. Se pot demanar pas que aculha a mai. No se pot forçar als paisos a que aculhan a emigrants quan non han feina ni per eles.
E, ben jornalet en tròba daus faiscistes o de l'extrem-dreicha e pas dauds petits : daus caps d'estats. L'ONU seria una brava dròlla? L'òm oblida qu'es paiada grassament per los que tenan las multinacionalas.
Lo dreit daus uns s'acaba au moment ente lo dreit de l'autre comença. L'òm viu dins una mentalitat judeò-crestiena ente chau aidar son pròche mas l'òm s'oblida se. La charitat sers los poderos. Tot seria plan si quò era lo pòple qu'aceptava d'acuelhir los migrants, lòr trobavan un trabalh e crear una economia solidaria. Es pas lo cas, l'imigracion es facha per servir las multinacionalas contre lo pòple.
Quò me desrenja aquela posicion de Jornalet, a sens unic. Ente es lo desbat?
Anem, lo 11 de novempbre emben Macron, festejarem las nòças daus bochiers de la guerra de 14/18.
Aus Etats-Unis Trump festera benleu un autre simbòl d'aquel guerra, l'òm sap pas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari