Actualitats
La justícia ongresa a aquitada la jornalista qu’agressèt de refugiats
La Cort Suprèma d’Ongria a anullat la senténcia pr’amor que s’agís “d’una infraccion prescricha”
La justícia d’Ongria a aquitada la jornalista Petra László, qu’aviá tombat pel sòl qualques refugiats en lor fasent la cambeta e donant de còps de pè.
La Cort Suprèma d’Ongria a anullat la senténcia pr’amor que s’agís “d’una infraccion prescricha”. Atal, los jutges an cancelat una senténcia d’arunan que condemnava Lászlo a tres ans de libertat condicioala, en considerar que la jornalista cometèt pas cap de delicte, mas una infraccion qu’es ja prescricha als uèlhs de la lei.
Los faches se passèron en setembre de 2015, quand Lászlo enregistrava un grop de centenats de refugiats qu’ensajavan de fugir de la polícia de las frontièras, près de la termièra d’Ongria e Serbia.
Los imatges d’un òme agressat, tombat pel sòl mentre que portava son enfant dins sos braces, faguèron lo torn del Mond. Mas tanben d’autres imatges foguèron polemics, car mostravan la jornalista a donar de còps de pè a un autre refugiat. La cadena de television ont trabalhava la jornalista, restacada a l’ultradrecha, la licencièt.
Per contra, gràcias a aqueles imatges, l’ome tombat amb son enfant dins sos braces venguèt conegut. Se sona Osama Abd Al Mohsen e l’aculhiguèron dins una vila dins la banlèga de Madrid ont fa l’entraïnaire de fotbòl.
La Cort Suprèma d’Ongria a anullat la senténcia pr’amor que s’agís “d’una infraccion prescricha”. Atal, los jutges an cancelat una senténcia d’arunan que condemnava Lászlo a tres ans de libertat condicioala, en considerar que la jornalista cometèt pas cap de delicte, mas una infraccion qu’es ja prescricha als uèlhs de la lei.
Los faches se passèron en setembre de 2015, quand Lászlo enregistrava un grop de centenats de refugiats qu’ensajavan de fugir de la polícia de las frontièras, près de la termièra d’Ongria e Serbia.
Los imatges d’un òme agressat, tombat pel sòl mentre que portava son enfant dins sos braces, faguèron lo torn del Mond. Mas tanben d’autres imatges foguèron polemics, car mostravan la jornalista a donar de còps de pè a un autre refugiat. La cadena de television ont trabalhava la jornalista, restacada a l’ultradrecha, la licencièt.
Per contra, gràcias a aqueles imatges, l’ome tombat amb son enfant dins sos braces venguèt conegut. Se sona Osama Abd Al Mohsen e l’aculhiguèron dins una vila dins la banlèga de Madrid ont fa l’entraïnaire de fotbòl.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una mala peça que reparteis potadas a nins a jovas e a vielhs. Mala pecora !
#1 Jornalet fa de l'infò generalista. Al mens aprenem de causas.
ongria, austria, maròc... si volem legir quaucòm pertocant los migrants en Occitània, la sheguida deus aigats de la setmana passada, l'aubertura de l'OPLÒ a Bordèu, fau véder dens Sud Ouest. a Jornalet se divertíssen damb l'actualitat internacionala, aquò's mei exotic mès per la conscientizacion de la poblacion autoctòna ??
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari