capçalera campanha

Actualitats

InternacionalPolitica

Presonièrs politics catalans: lo ministèri public espanhòl a anonciat de duras sollicitacions de penas

Demandan que sián acusats de rebellion, malversacion de fonzes e sedicion. Desiran entre 16 e 25 ans de preson e d’inelegibilitat per Forcadell, Cuixart, Sànchez, Rull, Turull, Romeva, Forn e Bassa

| @FreeJunqueras
Omenatge davant la preson de Lledoners

Aperaquí quinze mila personas s'acampèron dijòus passat davant la preson de Lledoners, en Catalonha, ont se tròban embarrats qualques unes dels presonièrs politics catalans. La tòca de l’acamp èra de lor far un omenatge en remembrant que fa un an que son empresonats.
 
Sus un empont installat davant lo centre penitenciari i aguèt de parladisses de mond de la politica, de l’espòrt, de la cultura... E tanben un escambi de saludacions amb los presonièrs espantant. Se demandèt als acampats de far silenci mentre qu’un celèbre jornalista saludava Oriol Junqueras e Quim Forn. El diguèt al microfòn a un volum sonòr naut: “Bon ser Quim! Bon ser Oriol!”, e d’una fenèstra de la preson s'ausiguèt:  “Bon ser a totòm!”
 

 
L’eveniment se centrèt mai que mai suls parents dels presonièrs politics, que legiguèron de letras escrichas per eles.
 
Aqueste divendres faguèt justament que s'èra encarcerat preventivament d’Oriol Junqueras, Quim Forn, Jordi Turull, Josep Rull, Raül Romeva, Dolors Bassa, Meritxell Borràs e Carles Mundó.
 
 
Las demandas dels procuraires
 
E justament a aquela data d’anniversari, lo ministèri public espanhòl anoncièt las sollicitacions de penas que las faràn als jutges, en demandant que foguèsson  acusats de rebellion, malversacion de fonzes e sedicion. Per Oriol Junqueras, desira 25 ans de preson e d’inelegibilitat; per Carme Forcadell, Jordi Cuixart e Jordi Sànchez, 17 ans de preson e d’inelegibilitat, e per Rull, Turull, Romeva, Forn e Bassa, 16 ans de preson e d’inelegibilitat.
 
Quant als autres de membres del govèrn de Puigdemont —Carles Mundó, Santi Vila e Meritxell Borràs—, que son en libertat condicionala, se sollicita 7 ans de preson per malversacion e desobesissença.
 
 
Una multa de 30 000 èuros per Mireia Boya
 
D’autra caire, dins lo cas dels membres del burèu del parlament e l’èx-deputada occitana de la CUP, Mireia Boya, lo ministèri public sollicita una multa de 30 000 èuros per desobesissença.
 
 
Quins son ara los perseguits politics catalans?
 
A l’ora d’ara, son jutjats per la Cort Suprèma espanhòla los elegits seguents:
 
— per rebellion: Dolors Bassa, Toni Comín, Jordi Cuixart, Carme Forcadell, Joaquim Forn, Oriol Junqueras, Clara Ponsatí, Carles Puigdemont, Raül Romeva, Marta Rovira, Josep Rull, Jordi Sànchez, Jordi Turull;
 
—per malversacion de fonzes e desobesissença:  Meritxell Borràs, Carles Mundó, Lluís Puig, Meritxell Serret, Santi Vila;
 
— per desobesissença: Ramona Barrufet, l’occitana Mireia Boya, Lluís Corominas, Anna Gabriel, Lluís Guinó, Joan Josep Nuet, Anna Simó.
 
Quasi totes los acusats son de caps de las listas electoralas de las tres candidaturas independentistas (Amassa per Catalonha, ÈRC e CUP) elegits a las darrièras eleccions regionalas del 21 de decembre passat.
 
D’aquestes nòu son en preson, sèt en exili e los autres a l’espèra d’èsser convocats tornarmai.
 
 
Tanben se perseguís la polícia catalana
 
Mas ara lo ministèri public catalan va mai luènh e acusa tanben de rebellion l’èx-cap de la polícia catalana, los Mòssis d’Esquadra, Josep Lluís Trapero, l’èx-director dels mòssis, Pere Soler e l’èx-director general de l’interior de la Generalitat de Catalonha, César Puig. Contra eles demandan 11 ans de preson, del temps que ne demanda 4 per l’intendenta dels Mòssis, Teresa Laplana.


"Esperit de revenge"
 
Segon lo president del Parlament, Roger Torrent, e lo president de la Generalitat en foncions, Quim Torra, los procuraires del govèrn espanhòl "an agit amb un esperit de revenge". Segon eles, "lo govèrn espanhòl a perdut una escasença d'aur per tirar dels tribunals lo conflicte de Catalonha e lo tornar a la politica, qu'es ont deu èsser."
 



 


abonar los amics de Jornalet
 

Documents

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
6.

Què miren de negociar amb Madrid se volen haver compensacions per la liberacion dels presos. A base de voler implementar? la republica, Puigdemont vol aconseguir la libertat dels presos ? Ai ! Ai! que van de calçats per aigua !

  • 1
  • 1
Populista
5.

#1 Las etiquetas vòlon pas res dire. Macron èra del partit dich socialista coma Hollande e fan o faguèron una politica de la drecha la mai retrograda.

Cal èsser pel pòble e trabalhar pels sieus interesses. En un mòt, èsser populista occitan !

  • 5
  • 0
Reinat TOSCANO LO VAU
4.

#3 Lo Macron a pilhat quaucu jorns de vacanças à la fèrma. Per s'ocupar dei vacas e dei vedeus?
Perdon: à la Fèrma (es una ostlaria 5 estelas...).

  • 6
  • 0
Bramafam Seta
3.

……. e d'aquel temps, lo Macron agacha endacòm mai… Polida republica francimanda…

  • 8
  • 0
Pitaluga
2.

Lo ministèri public espanhòl es en plen deliri. Encara qu'aquò de convertir las opinions liuras en crim es pas pròpri d'Espanha. Es la parada qu'an trapat los ricasses per deslegitimar tota opinion contra eles e lors interesses trébols (veire la criminalizacion dels lançaires d'alèrta epresentacion de criminals, coma Servier per exemple, coma victimas).
Aquò dich, vist l'òdi canin de l'estat espanhòl envèrs Catalonha, los catalans se jògan lor subrevida coma pòble. Es la republica o es l'assimilacion. Fa mai de 3 sègles que Castelha cèrca d'assimilar los pòbles d'Espanha, dempuèi los Borbons.

  • 7
  • 0

Escriu un comentari sus aqueste article