Actualitats
Rugbi de XIII: los Blaus validan la bilheta per Anglatèrra en 2021
Novèla dimenjada tretzista de fòrt contengut internacional que se clava sus una nòta optimista pels occitans e pels catalans
Alan Roch
Los Pols mestrejan los Verds
Lo rescontre d’aqueste dissbate a Baile Atha Cliath opausava los dos ganhants de la primièra jornada del Campionat Europèu: Irlanda e França. Los Blaus dominèron lo primièr temps e marquèron tres còps (Da Costa, Marcon, Ader) per menar 18-0. Lo segond temps foguèt un pauc mai complicat mas los Blaus tenguèron los Verds a distància, amb un segond ensag del talonaire Da Costa : 24-10. Aquesta victòria significa que los Pols son tre ara qualificats per la Copa del Mond de 2021 en Anglatèrra.
Lor i demòra de ganhar lo trofèu aqueste dissabte 10 de novembre a Carcassona (estadi Domèc, 6 oras del vèspre) contra Escòcia qu’a encaissat un 50-12 fàcia a Galas. En dobertura (3 oras), l’esquipa de França femenina reçauprà las italianas.
D’aquel temps, Irlanda e Galas se disputaràn la segonda plaça qualificativa dirèctament pel Mondial de 2021.
Los angleses mai fòrts
Los papós an ganhat la segonda oposicion amb los Cavalièrs angleses: 30-22 dins una partida que se jogava a Port Moresby. L’arrièr dels Dragons David Mead a marcat un ensag.
A Liverpool, los angleses ganhan la segonda partida contra los neozelandeses: 20-14. Demòra als Kiwis de salvar l’onor dimenge que ven a Leeds. De notar que Liverpool (estadi d’Anfield Road) poiriá èsser l’encastre de la Dimenjada Magica de 2019, alara que Newcastle organizariá la vesprada de las mièjas finalas de la Cup.
Elèit 2: lo dèrbi audenc per Vilagalhenc-Argon
A Vilanòva de Menerbés, Vilagalhenc-Argon s’impausa 26-18. Ferrals va ganhar aisidament a Selon 50-6. Baó demòra en cap de classament aprèp 6 victòrias en 6 partidas: dimenge, ganhèt lo dèrbi catalan contra Pià: 34-28.
Lo libre
Dissabte, aprèp la partida França-Escòcia, jol tibanèl de Domèc, se farà una presentacion e una signatura del libre Lo XIII, aquò òc!
L’IEO-Aude presenta l’obratge atal: “Sabètz plan que l’occitan coma lo catalan, l’anglés, lo francés, las lengas d’Oceania e de Papoa… es una lenga naturala del rugbi de XIII.
Lo libre n’es una pròva bèla ont se mesclan cronicas esportivas, cançons, poèmas, sovenirs, umor, arts plasticas… per celebrar totes los actors d’un mond oval e frairal.
Un libre de 208 paginas totas en occitan (levat una cançon en catalan) ont traparetz un cinquantenat de cronicas signadas per Alan Roch qu’avètz legidas dins Jornalet entre 2012 e 2017 o dins XIII-Magazine e La Semaine du Minervois.
Joan-Francés Albèrt signa lo prefaci; Cristian Almerge e Albert Bueno cantan lo XIII; Jò Salès se soven d’una esquipa de Menerbés a la debuta dels ans 1950, e lo musicaire Felip Carcassés celèbra lo legendari Papillon; las conselhièras d’occitan de l’Acadèmia de Montpelhièr rendon compte d’un projècte pedagogic; Mirèlha Braç presenta los Gaujoses Canaris…
Dins una segonda part, lo libre repren una novèla de Sèrgi Viaule (Cossí lo XIII salvèt la planeta); la novèla de Ramon Gogaud (Lo rugbi) e lo roman agotat L’Afirolada qu’escriguèt amb Alfrèd Raucolas. Qualques illustracions-colors completan l’obratge.
Lo prètz del libre es, fòrça logicament, de 13 èuros. De comandar a: IEO-Aude BP 51042 11860-Carcassona Cedex (en ajustant 4,80 èuros de despensas de mandadís).”
Alan Roch
ROCH, Alan et al. Lo XIII, Aquò òc!. Insitut d'Estudis Occitans, 2018. 208 paginas. 13 èuros
Lo rescontre d’aqueste dissbate a Baile Atha Cliath opausava los dos ganhants de la primièra jornada del Campionat Europèu: Irlanda e França. Los Blaus dominèron lo primièr temps e marquèron tres còps (Da Costa, Marcon, Ader) per menar 18-0. Lo segond temps foguèt un pauc mai complicat mas los Blaus tenguèron los Verds a distància, amb un segond ensag del talonaire Da Costa : 24-10. Aquesta victòria significa que los Pols son tre ara qualificats per la Copa del Mond de 2021 en Anglatèrra.
Lor i demòra de ganhar lo trofèu aqueste dissabte 10 de novembre a Carcassona (estadi Domèc, 6 oras del vèspre) contra Escòcia qu’a encaissat un 50-12 fàcia a Galas. En dobertura (3 oras), l’esquipa de França femenina reçauprà las italianas.
D’aquel temps, Irlanda e Galas se disputaràn la segonda plaça qualificativa dirèctament pel Mondial de 2021.
Los angleses mai fòrts
Los papós an ganhat la segonda oposicion amb los Cavalièrs angleses: 30-22 dins una partida que se jogava a Port Moresby. L’arrièr dels Dragons David Mead a marcat un ensag.
A Liverpool, los angleses ganhan la segonda partida contra los neozelandeses: 20-14. Demòra als Kiwis de salvar l’onor dimenge que ven a Leeds. De notar que Liverpool (estadi d’Anfield Road) poiriá èsser l’encastre de la Dimenjada Magica de 2019, alara que Newcastle organizariá la vesprada de las mièjas finalas de la Cup.
Elèit 2: lo dèrbi audenc per Vilagalhenc-Argon
A Vilanòva de Menerbés, Vilagalhenc-Argon s’impausa 26-18. Ferrals va ganhar aisidament a Selon 50-6. Baó demòra en cap de classament aprèp 6 victòrias en 6 partidas: dimenge, ganhèt lo dèrbi catalan contra Pià: 34-28.
Lo libre
Dissabte, aprèp la partida França-Escòcia, jol tibanèl de Domèc, se farà una presentacion e una signatura del libre Lo XIII, aquò òc!
L’IEO-Aude presenta l’obratge atal: “Sabètz plan que l’occitan coma lo catalan, l’anglés, lo francés, las lengas d’Oceania e de Papoa… es una lenga naturala del rugbi de XIII.
Lo libre n’es una pròva bèla ont se mesclan cronicas esportivas, cançons, poèmas, sovenirs, umor, arts plasticas… per celebrar totes los actors d’un mond oval e frairal.
Un libre de 208 paginas totas en occitan (levat una cançon en catalan) ont traparetz un cinquantenat de cronicas signadas per Alan Roch qu’avètz legidas dins Jornalet entre 2012 e 2017 o dins XIII-Magazine e La Semaine du Minervois.
Joan-Francés Albèrt signa lo prefaci; Cristian Almerge e Albert Bueno cantan lo XIII; Jò Salès se soven d’una esquipa de Menerbés a la debuta dels ans 1950, e lo musicaire Felip Carcassés celèbra lo legendari Papillon; las conselhièras d’occitan de l’Acadèmia de Montpelhièr rendon compte d’un projècte pedagogic; Mirèlha Braç presenta los Gaujoses Canaris…
Dins una segonda part, lo libre repren una novèla de Sèrgi Viaule (Cossí lo XIII salvèt la planeta); la novèla de Ramon Gogaud (Lo rugbi) e lo roman agotat L’Afirolada qu’escriguèt amb Alfrèd Raucolas. Qualques illustracions-colors completan l’obratge.
Lo prètz del libre es, fòrça logicament, de 13 èuros. De comandar a: IEO-Aude BP 51042 11860-Carcassona Cedex (en ajustant 4,80 èuros de despensas de mandadís).”
Alan Roch
ROCH, Alan et al. Lo XIII, Aquò òc!. Insitut d'Estudis Occitans, 2018. 208 paginas. 13 èuros
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Baile Átha Cliath es lo nom modèrn de la vila, tirat d'un masatge qu'èra a costat. Lo quite nom Dublin ven del gaelic ancian Duibhlind, e poiriá tanben èsser utilizat. Las doas vilas existissián separadament al s. IX, Duibhlinn èra viquing e Átha Cliath irlandesa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari