Actualitats
Marselha: an trobat sièis còrses dins los tarcums dels immòbles esfondrats
Diluns, s’abausonèron doas bastissas dins lo quartièr de las Noalhas, ont un immòble sus dos poiriá èsser considerat coma indecent o degradat
Dins aquel quartièr, un dels pus paures de la Ciutat Focèa, un immòble sus dos poiriá èsser considerat coma indecent o degradat, segon un article que lo publica La Marseillaise. A mai, un 20% dels bastiments del quartier se tròban dins un estat de degradacion avançat, en procedura d’insalubritat o de perilh. Èra lo cas dels immòbles esfondrats.
La comuna aviá engatjat en 2011 un vast plan de requalificacion del centre vila, mas sens remediar al problèma. Segon un rapòrt remés al govèrn en 2015, lo lotjament indigne menaça la santat o la seguretat d’“unes 100 000 abitants” de la capitala de Provença.
Au lendemain de l'effondrement de trois immeubles rue d'Aubagne, en plein centre de #Marseille, le bilan provisoire est de trois morts. Les familles sont encore dans l'attente de nouvelles concernant leurs proches... Retrouvez l'intégralité du 18:18https://t.co/lsAU8m8zJepic.twitter.com/PDSt8S6EFo
— La Provence (@laprovence) 6 de novembre de 2018
Dès mon retour à #Marseille je me rendrai en fin de journée à 19h rue d’#Aubagne pour soutenir nos @MarinsPompiers et les @Pompiers_13 ainsi que nos forces de l’ordre qui luttent pour la vie dans ce terrible drame. pic.twitter.com/Dmjl31Qo9t
— Renaud Muselier (@RenaudMuselier) 5 de novembre de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Paura lenga nòstra als darrièrs badalhs jols "tarcums".
Poiriái saber, s'es pas indiscret, çò que son los "tarcums" ?
E lo Gaudin que li fan legir un papièr pels mèdias per que s'escarte pas de la linha de defensa! La comunicacion, vos disi.
A parlat de 200 milions emplegats per renovar los immòbles vièlhs. Sus quant d'annadas? Cossí es estat emplegat exactament l’argent? Qua la tocat de comissions? Amb quina justificacion ?
Cal revisar periodicament la casas per evitar esfondraments. Cresi que son los ajuntaments qu' han la competència de revisar los edificis.
Marselha, vila abandonada.
Sus lo fons, la fauta a qual ?
Es un problèma de fons e non de forma.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari