Actualitats
Iraq: an trobat mai de 200 carnièrs amb de milièrs de victimas de l’Estat Islamic
Un rapòrt de l’ÒNU estima que i auriá entre 6000 e 12 000 cadavres
An trobat en Iraq mai de 200 carnièrs dins de zònas qu’èran ocupadas per l’autoproclamat Estat Islamic (EI). Un rapòrt de l’ÒNU estima que i auriá entre 6000 e 12 000 cadavres. Pasmens i a pas de donadas oficialas car solament una trentena de fòssas son estadas cavadas. Se crei que lo carnièr pus grand se tròba al sud de Mossol ont i auriá aperaquí 4000 còrses. Las victimas son de femnas, d’enfants, de vièlhs e d’andicapats, e tanben de membres de las fòrças armadas o de la polícia. Los carnièrs se tròban dins quatre províncias situadas dins lo nòrd e dins l’oèst d’Iraq, près de la frontièra amb Siria. L’Estat Islamic aviá installat son regim de terror dins aquela zòna de 2014 enlà fins a sa desbranda en decembre passat.
L’ÒNU a demandat que se protegisca los carnièrs per far un procès adaptat d’identificacion. Mas lo govèrn iraquian planh d’aver pas de fonzes ni de personal. Lo rapòrt de las Nacions Unidas soslinha que “las pròvas collectadas en aqueles endreches seràn fondamentalas per garentir d’enquèstas crediblas, de proceduras e de condemnas confòrmas a las nòrmas internacionalas”.
La Nauta Comissària pels Dreches Umans, Michelle Bachelet, explica que “los traumatismes de las familhas a causa dels crimes de l’Estat Islamic perduran”, pr’amor qu’aquelas fòssas “contenon las rèstas de las personas assassinadas sens pietat per aver pas seguit l’ideologia e las nòrmas tòrsas de l’EI, compresas las minoritats etnicas e religiosas”.
L’ÒNU a publicat un vidèo amb los testimoniatges de qualques unes dels subrevivents durant l’ocupacion de l’organizacion terrorista.
L’ÒNU a demandat que se protegisca los carnièrs per far un procès adaptat d’identificacion. Mas lo govèrn iraquian planh d’aver pas de fonzes ni de personal. Lo rapòrt de las Nacions Unidas soslinha que “las pròvas collectadas en aqueles endreches seràn fondamentalas per garentir d’enquèstas crediblas, de proceduras e de condemnas confòrmas a las nòrmas internacionalas”.
La Nauta Comissària pels Dreches Umans, Michelle Bachelet, explica que “los traumatismes de las familhas a causa dels crimes de l’Estat Islamic perduran”, pr’amor qu’aquelas fòssas “contenon las rèstas de las personas assassinadas sens pietat per aver pas seguit l’ideologia e las nòrmas tòrsas de l’EI, compresas las minoritats etnicas e religiosas”.
L’ÒNU a publicat un vidèo amb los testimoniatges de qualques unes dels subrevivents durant l’ocupacion de l’organizacion terrorista.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Va plan qu'o fagan e cal contunhar.
Un autre regim de terror foguèt lo de Franco e esperam encara la dobertura dels carnièrs. 150 000 assassinats segon Paul Preston. Qué fa lo Rei?
A! Es vertat que son paire foguèt intronizat per Franco.
E cal pas tocar lo tèma: en Espanha es enebit publicar d'enquèstas sus Republica o Monarquia? Aital va la democràcia.
#1 « L'Estat Islamic pagats per Obama e Na Clinton amb l'ajuda de L'UE que recolhia fonses per ajudar a los mercenaris terroristas » ? Auriatz qualques pròbas de çò qu'avançatz atal ? M'estonariá plan ! Contra qui s'arma una arada de calcus decerebrats e integristas, se que non per annexar Occitania a França entre 1209 e 1255 ? A si, me'n recòrdi : assagèron tanben d'envasir la corona d'Aragon, un pauquet mai tard… mas Trump los aturèt a còps de faribòla coma la vòstra, non ?
L'Estat Islamic pagats per Obama e Na Clinton amb l'ajuda de L'UE que recolhia fonses per ajudar a los mercenaris terroristas. Almanco Trump no ha volgut seguir la línia de l'establishment dels ionquis.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari