capçalera campanha

Actualitats

CulturaSocietat
crotz-tolosaCreated with Sketch.ProvençaComtat de NiçaCostiera Niçarda

Es mòrt lo compositor niçard Francis Lai

Creador del famós “dabadabadà” de Un homme et une femme, ganhèt l’Oscar de la melhora musica originala en 1971 per la benda del filme Love Story

Lo compositor e musician niçard Francis Lai nos quitèt dimècres passat, 7 de novembre, a l’edat de 86 ans. Aviá marcat tota una generacion amb sas bendas originalas de filmes. Creator de la celèbra melodia de supòrt del “dabadabadà” o de la benda originala de Un homme et une femme, ganhèt l’Oscar de la melhora musica originala en 1971 per la benda del filme Love Story.
 
Comencèt sa carrièra coma acordeonista del poèta e cantador Bernard Dimey, amb qui escriguèt de cançons que venguèron plan conegudas coma L’Homme de Berlin, que la cantava Edith Piaf, o La Bicyclette que la cantava Yves Montand. Parallèlament, Lai escriguèt de cançons per Serge Reggiani, Dalida, Isabelle Aubret, Noëlle Cordier, Nicoletta, Séverine...
 
En tot, escriurà la musica de mai de 100 filmes e signarà mai de 600 cançons.
 
Dins lo vidèo que seguís, Lai jòga l'imne niçard e ditz "baietas", çò es "potons" en son occitan.
 

 
Lo ret es tot plen de mòstras de complancha:
 

 

 

 

 

 
 

 

 
 
 
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Observatori anti-fadoli Marsilha, La Plana
14.

#6#9#10#11#12#13. Amics, comprenem ben l'enfada vostra contra la missanta fe d'aquèu Barcelo. Fau saber pasmens de monte parla aquèu personatge. Aparten a una sècta d'isterics americans que jogan ais negres ( tot en leis mespresant) en dintrant en transa au nom de Jesus(! !). Es aquela sècta evangelista qu'a fach elegir au Brasil l'arlèri fascista Bolsonaro. Podètz veire sus youtube de reportatges, coma per exemple "Envoyé Spécial ", sus aquela sècta isterica que nos ven de l'America la mai supersticiosa, reaccionaria e puritana. Lo mens que se posque dire es que dins aquèu obscurantism lo mai grèu, l'espitau espsiciatric se trapa jamai ben luenh ! Pensatz-i cada fe que legirètz un "comentari" d'aquèu endoctrinat illuminat de Barcelo. Pecaire! paura Occitània, avias pas besonh d'aquela decadencia foligassa made in America !

  • 0
  • 0
Pescaluna
13.

#8 Au cambarada Barcelo que vei totjorn pas la diferenci entre niçois e nissard, aqèu pichon cors de semantica ambé aquo qu'escrivia Joan Larzac en 1970 dins L'Estrangier Del Dedins : "- Cossi se ditz francès en francès ? Français ! - Cossi se ditz occitan en occitan ? Occitan ! - E cossi se ditz occitan en francès ? Français ! "

  • 26
  • 0
Ratapinhata
12.

#3 E ambé aquèu rasonament fagatz-nos creire tanben que la Mireille Darc èra una actriz provençala perqu'èra nascuda a Tolon ! De l'identitat provençala se'n fotia completament e l'avia menimosament escafada e resconduda per venir una perfèita parisenca parla-ponchut e mespresosa deis provinciaus ! Fasia un brave temps qu'aquela avia pus ren de provençau, coma aquèu Francis Lai.

  • 14
  • 0
S. Escand
11.

#7 Quina ipocrisia ridicula

  • 11
  • 0
S. Escand
10.

#8 1) Lo mond de Niça, coma lo grand Joan-Luc Sauvaigo, lor agrada d'escriure Nissa puslèu que Niça. Perque pas, respecti aquesta causida. 2) Lo tèrm françes "niçois" se rapòrta a la ciutat FRANCESA de la dicha COTE D'AZUR. Es una denominacion coloniala que non ten CAP allusion o referència a l'identitat occitana d'aquesta vila. Es ben atal que l'entendan l'Estrosi,un filh d'imigrats italians convertit al nacionalism frances lo mai acarnassit, que se vòl mai frances que frances, coma lo Max Gallo en son temps, e totis los mediàs parisencs.

Aquò a estrictament RES a veire amb lo fach de se revendicar e de se defenir nissard (o niçard se volètz).

Non, lo Francis Lai èra pas un niçard, èra un francès nascut a Nice sus la côte d'azur, e res de mai. Arrestatz de jogar a l'arlèri en ensajant de nos faire creire lo contrari. O afortissi tornamai : jogatz suls mots per faire dintrar a tota força d'occitan d'en pertot emai aqui ont n'i a pas cap. Ésser "niçois" coma lo Dick Rivers, lo Johan Sfarr o lo Francis Lai a res a veire amb lo fach d'ésser nissard coma l'Alan Pelhon, lo Joan-Luc Sauvaigo, o lo Miquèu Miniussi.
Contunhatz de faire lo colhon en fasent mina de creire lo contrari ! Francis Lai èra un compositor FRANCES, conegut atal e que pas jamai se definiguèt coma occitan, levat dins los fantasms vòstres.



  • 27
  • 0

Escriu un comentari sus aqueste article