Actualitats
Lo resultat del referendum dona de vam als independentistas de la Nòva Caledònia e de Polinesia
Las illas del Pacific refusan de se separar de França, pasmens mai del 43% dels sufragis a votat en favor de la sobeiranetat plena
Estonament relatiu al referendum d’autodeterminacion tengut dimenge passat a la Nòva Caledònia. E mai se lo “non” a l’independéncia ganhèt —coma èra ja previst—, o faguèt amb un resultat fòrça mai sarrat que çò que s’esperava. L’“òc” obtenguèt” lo 43,3% dels vòtes e lo “non” demorèt al 56,7%. Totun, totes los sondatges prevesián que los vòtes contraris a la separacion serián d’almens un 65%.
Lo resultat a donat de vam als independentistas, qu’ara veson pas impossible de ganhar los dos nòus referendums d’autodeterminacion que l’Acòrdi de Nouméa permet d’organizar en 2020 e en 2022. “Sèm près [de ganhar]”, çò diguèt lo pòrtavotz del Front de Liberacion Nacionala Canac Socialista (FLNKS), Aloisio Sako, “e demòran totjorn dos autres referendums de mai”. S’un tèrç dels deputats del Congrès de la Nòva Caledònia ne reclaman la convocacion, los referendums los caldrà far. Los independentistas an lo 46% dels sètis.
E lo referendum a esperonat tanben un autre dels territòris que França ten dins lo Pacific, concretament en Polinesia. Aquí, lo principal partit independentista, lo Tavini Huiraatira, a aprofechat lo resultat per reclamar a França la tenguda de lor pròpri referendum d’autodeterminacion. “França a una mission sagrada: facilitar l’emancipacion dels pòbles qu’a colonizats”, a remarcat lo partit.
Fa d’ans que lo Tavini Huiraatira demanda la convocacion d’un referendum. Polinesia se tròba inscricha sus la lista oficiala de l’ÒNU de territòris non descolonizats dempuèi 2013. La Nòva Caledònia i es tanben, dempuèi 1986.
Aqueste article es adaptat de Nationalia, amb qui Jornalet ten un acòrdi de cooperacion.
Lo resultat a donat de vam als independentistas, qu’ara veson pas impossible de ganhar los dos nòus referendums d’autodeterminacion que l’Acòrdi de Nouméa permet d’organizar en 2020 e en 2022. “Sèm près [de ganhar]”, çò diguèt lo pòrtavotz del Front de Liberacion Nacionala Canac Socialista (FLNKS), Aloisio Sako, “e demòran totjorn dos autres referendums de mai”. S’un tèrç dels deputats del Congrès de la Nòva Caledònia ne reclaman la convocacion, los referendums los caldrà far. Los independentistas an lo 46% dels sètis.
E lo referendum a esperonat tanben un autre dels territòris que França ten dins lo Pacific, concretament en Polinesia. Aquí, lo principal partit independentista, lo Tavini Huiraatira, a aprofechat lo resultat per reclamar a França la tenguda de lor pròpri referendum d’autodeterminacion. “França a una mission sagrada: facilitar l’emancipacion dels pòbles qu’a colonizats”, a remarcat lo partit.
Fa d’ans que lo Tavini Huiraatira demanda la convocacion d’un referendum. Polinesia se tròba inscricha sus la lista oficiala de l’ÒNU de territòris non descolonizats dempuèi 2013. La Nòva Caledònia i es tanben, dempuèi 1986.
Aqueste article es adaptat de Nationalia, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pel sénher Macron: parlam de "patriotisme", pas de nacionalisme".
En fin ne sèm sortits d'aquela setmana de glorificar los generals maselaires del pòble. Macron se'n fot. Aguèsse agut 20 ans a l'epòca, dins la casta a la quala perten li aurián pagat un remplaçant per anar se far traucar la codena dins las trencadas. (Veire lo testimòni de Louis Bartas).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari