Actualitats
Perpinhan: dètz mila personas an manifestat pels Païses Catalans
Tanben an exigit la liberacion dels presonièrs politics catalans e lo retorn dels exiliats
Dètz mila personas manifestèron dissabte passat a Perpinhan a l’ocasion del jorn nacional de Catalonha Nòrd. La Diada revendica d’escafar lo Tractat dels Pirenèus, e clava cada an la corsa per la lenga catalana apelada “Correllengua“, qu’a luòc long de totes los Païses Catalans, amb una seguida de concèrts a l’Ostal Musical.
La manifestacion s’acabèt davant lo Castellet, ont los manifestants demandèron la sobeiranetat de Catalonha Nòrd e dels autres Païses Catalans, e exiguèron la liberacion dels presonièrs politics catalans e lo retorn dels exiliats.
Solidaritat amb los presonièrs politics e exiliats
Al pè del Castellet i aguèt un parladís politic amb de participants de Catalonha Sud, del País Valencian e de las Illas Balearas, e se legiguèt una letra escricha per Jordi Cuixart, president d’Òmnium Cultural, de la preson estant. Coma novetat, la comuna de Perpinhan a permés que se brandisca una granda bandièra independentista sul monument, malgrat que, l’an passat, o permetèsse pas.
Mièja ora abans lo començament de la marcha, a 15h30, lo collectiu Angelets de la Tèrra e lo Partit Comunista Francés s’èran acampats davant lo consolat espanhòl de Perpinhan en solidaritat amb los represalhats.
Remembre de Pompeu Fabra
Abans la manifestacion se faguèt una vesita guidada de la vila de Prada de Conflent, sus la draia de Pompeu Fabra, a l’ocasion dels eveniments del 150 anniversari de la naissença del gramatician catalan e del 100n anniversari de la publicacion de sa Gramatica Catalana.
La manifestacion s’acabèt davant lo Castellet, ont los manifestants demandèron la sobeiranetat de Catalonha Nòrd e dels autres Païses Catalans, e exiguèron la liberacion dels presonièrs politics catalans e lo retorn dels exiliats.
Solidaritat amb los presonièrs politics e exiliats
Al pè del Castellet i aguèt un parladís politic amb de participants de Catalonha Sud, del País Valencian e de las Illas Balearas, e se legiguèt una letra escricha per Jordi Cuixart, president d’Òmnium Cultural, de la preson estant. Coma novetat, la comuna de Perpinhan a permés que se brandisca una granda bandièra independentista sul monument, malgrat que, l’an passat, o permetèsse pas.
Mièja ora abans lo començament de la marcha, a 15h30, lo collectiu Angelets de la Tèrra e lo Partit Comunista Francés s’èran acampats davant lo consolat espanhòl de Perpinhan en solidaritat amb los represalhats.
Remembre de Pompeu Fabra
Abans la manifestacion se faguèt una vesita guidada de la vila de Prada de Conflent, sus la draia de Pompeu Fabra, a l’ocasion dels eveniments del 150 anniversari de la naissença del gramatician catalan e del 100n anniversari de la publicacion de sa Gramatica Catalana.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Visca Perpinyan catalana! Visca la nacion sensera sense que li manque cap bocin !
Fai bon remarcar qu'aquelos que raibavan segretosament de nejar e dissòure l'identitat catalana dinc la novèla region per paur de las velleïtats indentitàrias, ne'n provoquèron justament la desvelhada ! Poguèsse aquela presa de consciença vesina nos desvelhar mai !
Aquò bolega en Catalonha, fant de lop !! Fai gaug d'o constatar chasca jorn un pauc mai. Costat francés, auriái pas cresegut que los catalans saguèsson prèstes per assumir una catalanitat comuna que, pasmens, revendícon despièi bèl briu. Aquò me panlèva de jòia e m'atristesís au còp quand torne enfaçar ma realitat d'occitan...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari