Dimenge passat, 11 de novembre, apareguèt lo drapèl istoric alsacian roge e blanc, issat sus la catedrala d’Estrasborg. La bandièra foguèt probablament montada pendent la nuèch, e de matin los peirièrs de la Fondacion de l’Òbra de Nòstra Dama e los pompièrs se mobilizèron per lo retirar.
 
L’estat francés o va denonciar en justícia perque “es illegal e plan perilhós pels que son pojats e pels passants”. Mas sustot, segon la comuna, “es una manca de respècte en aqueste 11 de novembre”.
 
D’efièch, aquel jorn França festejava, d’un caire, l’armistici de l’11 de novembre de 1918 que metèt lo ponch final a una guèrra que costèt de milions de vidas pel revenge de la guèrra francoprussiana de 1870, e d’autre caire la consequenta annexion d’Alsàcia e de Lorena, sens quitament pas demandar l’opinion dels alsacians e dels lorens.
 
Justament per aquela rason, los abitants d’Estrasborg se mostravan plan contents quand vegèron lor drapèl sus la catedrala, del temps que las autoritats criticavan lo fach en lo qualificant d’illegal, de perilhós e d’irrespectuós, çò rapòrta France Bleu.




 

Si les élus strasbourgeois connaissaient l'Histoire de leur propre région, ils sauraient que le #RotUndWiss n'a jamais été le drapeau de l'Alsace sous l'Empire Allemand (1871-1918), mais le drapeau de cœur des alsaciens, aussi utilisé par ceux qui contestaient l'annexion  pic.twitter.com/P3S7BAhnQm

—  Alt-Droite  (matricule 6921) (@CtrlAltDroite) 11 de novembre de 2018