Actualitats
L’associacion Ligams que cor tostemps
La Passem que permetó fin finau de crubar 48 000 èuros que finançaràn projèctes entà l'occitan
6 mes après la famosa corruda La Passem, qu’ei l’òra de la prumèra assemblada generau pòstcorsa per l’associacion Ligams, abans d’aviar la dusau partida deu son plan: finançar projèctes entà sostiéner la lenga nosta.
La Passem que permetó fin finau de crubar 48 000 èuros. La soma que serà despartida entà finançar 5 projèctes, au bèth miei d’un vintenat qu’arrecaptè l’associacion. Mes prumèr, que calerà har un bilanç concret de la prumèra edicion de La Passem, elegir un navèth CA e tanben arremerciar los partenaris. Que serà aqueste divés, a comptar de sèt òras deu ser au Pabalhon de las Arts, a Pau.
Se la seleccion deus projèctes qui seràn ajudats n’ei pas sabuda enqüèra (qu’ac anonciaràn lo quite dia), òm sap totun que l’associacion e va mudar. En efèit que vòlen passar a de bonas las termièras bearnesas, e virà’s cap a Gasconha. Qu’ac hasón dejà au moment d’aviar la crida a projèctes, en tot precisar que n’èra pas reservada aus sols bearnés, e tà 2020 lavetz, la corruda que deberé estar mei longa que los 400 km de la prumèra edicion. Que’vs podetz d’ara enlà entraïnar!
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
La Passem que permetó fin finau de crubar 48 000 èuros. La soma que serà despartida entà finançar 5 projèctes, au bèth miei d’un vintenat qu’arrecaptè l’associacion. Mes prumèr, que calerà har un bilanç concret de la prumèra edicion de La Passem, elegir un navèth CA e tanben arremerciar los partenaris. Que serà aqueste divés, a comptar de sèt òras deu ser au Pabalhon de las Arts, a Pau.
Se la seleccion deus projèctes qui seràn ajudats n’ei pas sabuda enqüèra (qu’ac anonciaràn lo quite dia), òm sap totun que l’associacion e va mudar. En efèit que vòlen passar a de bonas las termièras bearnesas, e virà’s cap a Gasconha. Qu’ac hasón dejà au moment d’aviar la crida a projèctes, en tot precisar que n’èra pas reservada aus sols bearnés, e tà 2020 lavetz, la corruda que deberé estar mei longa que los 400 km de la prumèra edicion. Que’vs podetz d’ara enlà entraïnar!
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari