Actualitats
Itàlia avertís Euròpa que modificarà pas son budget
Lo ministre italian de las finanças, Giovanni Tria, a mandat una letra a la CE ont avertís que i aurà pas los cambiaments que demandava Brussèlas
Itàlia avertís las institucions de l’UE que cambiarà pas son budget coma o demanda Brussèlas. Lo ministre de las finanças italian, Giovanni Tria, a mandat a la Comission Europèa una letraont argumenta que Roma confirma son “engatjament de manténer los crèdits de las finanças publicas dins la mesura indicada dins lo projècte de plan budgetari”. Aital, lo govèrn de Giuseppe Conte manten la meteissa prevision de deficit public que dins los primièrs comptes presentats a Brussèlas fa près de tres setmanas. En particular, remarca que manten la prevision de deficit a un 2,4% del PIB e o considèra coma “un limit indespassable”, e mai siá tres còps superiora a l’objectiu del 0,8% que caliá daverar per complir lo pache europèu d’estabilitat budgetària.
Lo 23 d’octòbre passat, l’executiu europèu rebutèt los comptes presentats per Itàliadins una decision inedita e demandèt a Conte que los tornèsse presentar corregits dins un relambi de tres setmanas. La CE demandava al govèrn italian un budget confòrme als engatjaments del pache d’estabilitat, puèi qu'Itàlia s’engatjava a un deficit del 0,8 del PIB. Los comptes presentats preveson un deficit public d’un 2,4%.
Mas lo meteis jorn que se finissiá lo relambi, Roma a mandat aquela letra ont Tria assegura que lo govèrn italian “a avalorat atentivament” los arguments de Brussèlas, mas insistís per dire que las rasons de Roma per defendre sos comptes “mantenon tota lor validitat”.
De son costat, lo president de l’Eurocambra, Antonio Tajani, a criticat pendent una conferéncia de premsa a Estrasborg “la fòrta accion contra Euròpa” que la mena lo govèrn italian, e especialament, la Liga e l’M5E. Tajani, qu’es italian (del partit Forza Italia, “Anem Itàlia", de Silvio Berlusconi ), a apondut que la situacion economica dins lo país es “marrida”, e a remarcat que l’estrategia de Conte “es pas en favor de la creissença”. “Lo problèma d’Itàlia es pas dins Euròpa, mas dins lo budget d’aquel nòu govèrn”, çò a dich.
Ara cal veire cossí reagirà la Comission Europèa, que poiriá dobrir una procedura de sancions sens precedents dins l’istòria de l’UE.
Per quant a el, lo polemic ministre Matteo Salvini faguèt un messatge sus Twitter just abans que se mandèsse la letra en mostrant una botelha de vin piemontés en disent: “Se destapa una botelha de Nebieule la serada pren una sabor diferenta”.
Lo 23 d’octòbre passat, l’executiu europèu rebutèt los comptes presentats per Itàliadins una decision inedita e demandèt a Conte que los tornèsse presentar corregits dins un relambi de tres setmanas. La CE demandava al govèrn italian un budget confòrme als engatjaments del pache d’estabilitat, puèi qu'Itàlia s’engatjava a un deficit del 0,8 del PIB. Los comptes presentats preveson un deficit public d’un 2,4%.
Mas lo meteis jorn que se finissiá lo relambi, Roma a mandat aquela letra ont Tria assegura que lo govèrn italian “a avalorat atentivament” los arguments de Brussèlas, mas insistís per dire que las rasons de Roma per defendre sos comptes “mantenon tota lor validitat”.
De son costat, lo president de l’Eurocambra, Antonio Tajani, a criticat pendent una conferéncia de premsa a Estrasborg “la fòrta accion contra Euròpa” que la mena lo govèrn italian, e especialament, la Liga e l’M5E. Tajani, qu’es italian (del partit Forza Italia, “Anem Itàlia", de Silvio Berlusconi ), a apondut que la situacion economica dins lo país es “marrida”, e a remarcat que l’estrategia de Conte “es pas en favor de la creissença”. “Lo problèma d’Itàlia es pas dins Euròpa, mas dins lo budget d’aquel nòu govèrn”, çò a dich.
Ara cal veire cossí reagirà la Comission Europèa, que poiriá dobrir una procedura de sancions sens precedents dins l’istòria de l’UE.
Per quant a el, lo polemic ministre Matteo Salvini faguèt un messatge sus Twitter just abans que se mandèsse la letra en mostrant una botelha de vin piemontés en disent: “Se destapa una botelha de Nebieule la serada pren una sabor diferenta”.
Si stappa una bottiglia di Nebbiolo (Gianni Gagliardo, La Morra, Cuneo) e la serata assume un sapore diverso.
— Matteo Salvini (@matteosalvinimi) 13 de novembre de 2018
Che fate di bello? pic.twitter.com/V4leyYE1MJ
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ben que faran. Los bancs europeus volen imposar sa lei. Ja n'hi ha pro.
ITALIA NO VOL PERDRE SON SOBIRANIA FINANCERA.
Tot es nombre… Mas per capitar d'equilibrar lor budgècte, basta als Italians de cobrar publicament sa sobeirania financiària e de poder empruntar a taus 0% a la lor banca centrala, mai que d'engraissar los accionaris e los proprietaris de bancas privadas internacionalas. Aquela decision italiana non es presa contra Euròpa, mas contra l'ultraliberalisme impausat coma un catequisme indiscutible per Alamanha a totes los estats membres d'Euròpa. Es una decision presa contra çò que se deu corrèctament nommar l'ordoliberalisme que fa crebar inexorablament totes las politicas publicas e interdís a tot govèrnament legitimament elegit a esquèrra de botar en òbra una politica clarament d'esquèrra.
Fa que subre aqueste punt plan precís, m'agrada plan, a ieu, aquela decision italiana. Al nom, digam, de la democracia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari